સુરત: સરથાણામાં બિલ્ડરે બાળકો સામે રોફ જમાવવા ફોર્ચ્યુનર કારમાં બેઠા બેઠા કર્યું ફાયરિંગ

સુરત શહેરના સરથાણામાં વ્રજરાજ રેસિડેન્સીમાં બિલ્ડર ફોર્ચ્યુનર કાર સાથે સોસાયટીમાં ઘૂસી આવ્યો હતો.

author-image
By Connect Gujarat Desk in સુરત સમાચાર
New Update

સુરતના સરથાણાનો બનાવ

Advertisment W3.CSS

બિલ્ડરે દહેશત ફેલાવે એવી કરી કરતૂત 

કારમાં બેસીને બિલ્ડરે કર્યું ફાયરિંગ 

સ્થાનિક લોકોમાં ભયનો માહોલ

પોલીસે કરી બિલ્ડરની ધરપકડ 

સમગ્ર ઘટનાના સીસીટીવી આવ્યા સામે 

સુરત શહેરના સરથાણામાં વ્રજરાજ રેસિડેન્સીમાં બિલ્ડર ફોર્ચ્યુનર કાર સાથે સોસાયટીમાં ઘૂસી આવ્યો હતો. અહીં બેઠેલા બાળકો સહિતના લોકો સાથે વાતચીત કર્યા બાદ કારની અંદર જ બેઠા બેઠા હવામાં એક રાઉન્ડ ફાયરિંગ કર્યું હતું. જેને પગલે બાળકો સહિત લોકો ભયભીત થઈ ગયા હતા. આ સમગ્ર ઘટના સીસીટીવીમાં કેદ થઈ ગઈ છે. 

સુરતના સરથાણા પોલીસ સ્ટેશનની પાછળની સાઈડ 500 મીટરના અંતરે વ્રજરાજ રેસિડેન્સી આવેલી છે. ગત રાત્રે 9:30 વાગ્યા આસપાસ એક ફોર્ચ્યુનર કાર સોસાયટીમાં પ્રવેશી હતી,જ્યાં સ્થાનિક લોકો અને બાળકો બેઠા હતા.ત્યારે ફોર્ચ્યુનર કારમાં સવાર એક વ્યક્તિએ પોતાની પાસેની બંદુકમાંથી હવામાં એક રાઉન્ડ ગોળીબાર કર્યો હતો,જેના કારણે બાળકો અને સ્થાનિક લોકો ભયભીત થઈ ગયા હતા.ઘટના અંગેની જાણ પોલીસને થતા પોલીસ કાફલો દોડી આવ્યો હતો,અને સોસાયટીમાં લાગેલા સીસીટીવી કેમેરાની મદદથી કારના નંબરના આધારે ફાયરિંગ કરનાર બિલ્ડર ઘુસા બુહાની ધરપકડ કરી હતી.જાણવા મળ્યા મુજબ ફાયરિંગની ઘટનામાં ઉપયોગમાં લેવામાં આવેલી બંદૂક લાયસન્સ વાળી હોવાનું તેમજ ઘણા સમયથી ઉપયોગ કર્યો ન હોવાથી ફાયરિંગ કર્યું હોવાનું જણાવીને દહેશત ફેલાવનારે પોતાનો બચાવ કરવાનો પ્રયાસ કર્યો હતો. 

 

 

#Builder #SARTHANA #CGNews #Gun Fire #Gujarat #CCTV footage #Surat
Related Articles
Read the Next Article

સુરત: બાંધકામ સાઇટ પર માતાની નજર સામે શ્વાન એક વર્ષની બાળકીને ખેંચી ગયું, પોલીસે ડ્રોન કેમેરાની મદદથી શોધખોળ શરૂ કરી

સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.

author-image
By Connect Gujarat Desk in સુરત સમાચાર
New Update

  • સુરતના કામરેજનો ચકચારી બનાવ

  • વાવ ગામે શ્વાન બાળકીને ખેંચી ગયું

  • માતા રસોઈ બનાવતી હતી એ દરમ્યાન બની ઘટના

  • હજુ સુધી બાળકીનો કોઈ પત્તો નહીં

  • પોલીસે ડ્રોન કેમેરાની લીધી મદદ

Advertisment W3.CSS
સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.કલાકોથી પોલીસ દ્વારા માસુમ બાળકીની શોધખોળ કરવામાં આવી રહી હોવા છતાં હજુ સુધી તેની કોઈ ભાળ મળી નથી ત્યારે ડ્રોન કેમેરાની પણ મદદ લેવામાં આવી રહી છે.
સુરત જિલ્લાના કામરેજના વાવ ગામ ખાતે રહેતા આંજુભાઈ તથા તેની પત્ની તીતાબેન મજુરી કામ કરી પરિવારનું ગુજરાન ચલાવે છે તેમને સંતાનમાં માત્ર એક વર્ષની બાળકી માયા છે.હાલમાં પતિ પત્ની વાવ ખાતે આવેલ બંસરી રિસોર્ટની બાજુમાં એક બાંધકામ સાઈટમાં કામ કરે છે અને ત્યાં જ ઝુંપડું બાંધી અન્ય મજૂરો સાથે વસવાટ કરે છે. મધ્યપ્રદેશમાં વતનમાં કામ હોવાથી આંજુભાઈ કામ અર્થે વતન ગયા હતા. આ દરમિયાન પત્ની તીતાબેન ગતરોજ રાત્રે ૧૦:૦૦ વાગ્યાના અરસામાં તેની માસુમ પુત્રી સાથે ઘરે બેઠી હતી.તીતાબેન પોતાના માટે જમવાનું બનાવતા હતા ત્યારે તેની એક વર્ષની પુત્રી માયાને બાજુમાં સુવડાવી હતી. આ દરમિયાન અચાનક જ એક શ્વાન દોડીને તેમની પાસે આવ્યું હતું અને તીતાબેનની નજર સામે જ એક વર્ષની બાળકી માયાને ખેંચીને ડોટ લગાવી હતી. જેથી તીતાબેન તેની પાછળ દોડી ગયા હતા અને બૂમાબૂમ કરતા આજુબાજુમાં રહેતા ૧૦૦ થી વધુ મજૂરો પણ શ્વાનની પાછળ ડોટ મૂકી હતી. શ્વાન આજુબાજુના ખેતરોમાંથી ભાગી ગયો હતો.
પોલીસે બાળકીને શોધવા ફાયર બ્રિગેડ અને ડોગ સ્કોડની પણ મદદ દીધી હતી. સવારથી ડોગ સ્કોર્ડ પણ ઘટના સ્થળે પહોંચી શ્વાન માસુમ બાળકીને કઈ બાજુ લઈને ભાગી ગયું છે તે દિશામાં પણ તપાસ હાથ ધરી છે .છતાં હજુ સુધી બાળકીનો કોઈ પતો મળ્યો નથી.પોલીસ દ્વારા ડ્રોન કેમેરાની પણ મદદ લેવામાં આવી છે.ઝાડી ઝાંખરામાં ડ્રોન થી ચર્ચ કરવામાં આવી રહ્યું છે.ઝડપથી બાળકીનો પત્તો લાગી સહી સલામત મળે તેવી પ્રાર્થના સ્થાનિકો કરી રહ્યા છે.
#CGNews #Search operation #police #missing #Attack #dog #child #mother #Surat