સુરત: પાલ વિસ્તારમાં કાર ચાલકે મોપેડ સવાર દંપત્તિને લીધુ અડફેટે,પતિનું મોત પત્ની ગંભીર

સુરત શહેરના પાલ વિસ્તારમાં ગંભીર અકસ્માત સર્જાયો હતો.લગ્ન પ્રસંગે જઈ રહેલા મોપેડ સવાર દંપતિને કાર ચાલકે અડફેટે લેતા મોપેડ ચાલકનું મોત નીપજ્યું હતું જ્યારે મહિલાને ગંભીર ઇજા પહોંચી હતી.

સુરત શહેરના કતારગામ વિસ્તારમાં વેડ રોડ શિવ છાયા સોસાયટીમાં રહેતા 44 વર્ષીય રત્નકલાકાર મહેશ રાજા ઘોઘારી તેઓના ભાઈના પુત્રના લગ્ન પ્રસંગમાં મોપેડ પર પત્ની સાથે વેસુ ખાતે જઈ રહ્યા હતા દરમિયાન પાલ બ્રિજ પર પૂર ઝડપે આવી રહેલ કાર ચાલકે સ્ટેરીંગ પરથી કાબુ ગુમાવ્યો હતો કાર ચાલકે ડિવાઈડર કૂદીને મોપેડ સવાર દંપતિને અડફેટે લીધા હતા. ઘટનામાં દંપતીને ગંભીરી ઈજાઓ પહોંચતા તાત્કાલિક સારવાર અર્થ હોસ્પિટલે ખસેડાયા હતા.જ્યાં ટૂંકી સારવાર બાદ મહેશ ઘોઘારીનું મોત નીપજ્યું હતું. પત્ની શોભા ઘોઘારીને ગંભીર ઇજાઓ થતા હાલ સારવાર અર્થે હોસ્પિટલ ખસેડાયા છે.મહેશભાઈ ઘોઘારી કતારગામ ખાતે હીરાના કારખાનામાં કામ કરી પરિવારનું ગુજરાન ચલાવતા હતા. પરિવારમાં પત્ની અને બે પુત્ર છે પુત્રો હાલ અભ્યાસ કરી રહ્યા છે.અચાનક અકસ્માત સર્જાતા પરિવારના મુખ્યા મહેશભાઈ ઘોઘારીનું મોત નીપજતા પરિવારમાં શોક ફેલાઈ ગયો છે