સુરત: પોલીસ ઈન્સ્પેકટરના નામે ખંડણી માંગનાર આરોપીની ધરપકડ, જમીનના મામલામાં માંગવામાં આવી હતી ખંડણી

સુરતના કતારગામ પીઆઇના નામે ધમકી આપી અલથાણ વિસ્તારમાં ખંડણી માંગવામાં આવી હોવાના મામલામાં પોલીસે આરોપીની ધરપકડ કરી કાયદેસરની કાર્યવાહી હાથ ધરી છે

સુરતના શહેરના ન્યુ સીટી લાઈટ વિસ્તારમાં રહેતા વેપારીની નવસારીના જલાલપોરના દેવાડવા ગામે જમીન આવેલી છે. જમીન માફિયાઓએ વેપારી પાસેથી સાટાખત બનાવી લીધા બાદ પૈસા નહી આપી સાટાખત પરત કરવાના બદલામાં રૂપિયા ૫૦ લાખની ખંડણી આપવાની માંગ કરી હતી. તેમજ એક યુવકે પોતાની ઓળખ પીઆઇ તરીકે આપી વેપારીને આજીવન કેદના ગુનામાં ફસાવી દેવાની ધમકી આપી હતી. જેથી આખરે ભોગ બનનાર ૬ વેપારીએ પોલીસ ફરિયાદ નોંધાવતા અલથાણ પોલીસે જમીન માફિયાઓ સામે ગુનો નોંધી તપાસ હાથ ધરી હતી.જમીનનું કામકાજ કરતા અને વેસુમાં ઓફિસ ધરાવતા અનિલ વાઘેલાએ પ્રવિણભાઈને ફોન કરી પોતે પોલીસ ઈન્સ્પેકટર હોવાની ઓળખ આપી જમીનના આજીવન કેદના ગુનામાં સંડોવી દેવાની ધમકી આપી અસલ સાટાખત પરત કરવાના બદલામાં રૂપિયા ૫૦ લાખની માંગણી કરી અવાર નવાર ધમકી આપવવા લાગ્યા હતા. આખરે પ્રવિણભાઈ પટેલે ફરિયાદ નોંધાવતા અલથાણ પોલીસે ત્રણેય જમીન માફિયાઓ સામે ગુનો દાખલ કર્યો હતો. સમગ્ર મામલે ફરિયાદના આધારે પોલીસે ધમકી આપનાર અમીલ વલ્લભ વાઘેલા ની ધરપકડ કરવામાં આવી છે.સાથે અન્ય એક આરોપીની પણ અટકાયત કરી વધુ તપાસ હાથ ધરી છે