સુરત: પ્રી નવરાત્રીમાં ખેલૈયાઓ ડ્રગ્સ અંગેની જાગૃતિ માટે બેનર લઈ ગરબે ઘૂમ્યા !

કાપડ નગરી સુરતમાં પ્રી નવરાત્રી મહોત્સવનું આયોજન કરવામાં આવ્યું હતું જેમાં ખેલૈયાઓ ડ્રગ્સ અંગેની જનજાગૃતિના બેનરો લઈ ગરબે ઘૂમ્યા હતા

સુરતના ખેલૈયાઓમાં નવરાત્રીને લઇને ઉત્સાહ જોવા મળી રહ્યો છે.હાલ ઠેર ઠેર પ્રી નવરાત્રીનું આયોજન કરવામાં આવી રહ્યું છે ત્યારે સુરતીઓએ અનોખી રીતે પ્રિ નવરાત્રીની ઉજવણી કરી હતી.ખેલૈયાઓના હાથમાં દાંડિયા નહિ પરંતુ અવેરનેશના બેનરો જોવા મળ્યા હતા.ડ્રગસ અંગે જન જાગૃતિ આવે એ હેતુથી ડ્રગ્સ અવેરનેશના બેનરો લઇને ગરબા રમ્યા હતા.

સુરતના ગૌરવપથ રોડ પર આવેલ એક હોલમાં આ પ્રિ નવરાત્રીનો કાર્યક્રમ યોજાયો હતો જેમાં ખેલૈયાઓ મનમૂકીને ગરબે રમ્યા હતા અને જનજાગૃતિનો પણ પ્રયાસ કર્યો હતો.