સુરત: કાર ચોરી કરી જતો ઈસમ સીસીટીવી કેમેરામાં થયો કેદ,પોલીસે ગણતરીના સમયમાં ઝડપી પાડ્યો
સુરતના પુણા સ્થિત આઈમાતા ચોક પાસે આવેલા અભિલાષા હાઈટ્સમાં રહેતા વેપારીની કાર ચોરી થઇ હતી.
સુરતના પુણા સ્થિત આઈમાતા ચોક પાસે આવેલા અભિલાષા હાઈટ્સમાં રહેતા વેપારીની કાર ચોરી થઇ હતી.ચોરીની આ ઘટના સીસીટીવી કેમેરામાં કેદ થઈ હતી આ બનાવમાં પોલીસે આરોપીની ગણતરીના સમયમાં ધરપકડ કરી કાયદેસરની કાર્યવાહી હાથ ધરી છે
સુરતના પુણા વિસ્તારમાં આઈમાતા સર્કલ પાસે અભિલાષા હાઈટ્સ આવેલું છે. અહી રહેતા વેપારી ગૌરવભાઈ અગ્રવાલની ૬ લાખની કારની ચોરી થઇ હતી. સવારમાં કાર નહી મળતા તેઓએ ત્યાં લાગેલા સીસીટીવી ફૂટેજ તપસ્યા હતા જેમાં એક અજાણ્યો ઇસમ કાર લઈને જતો દેખાયો હતો. આ ઘટના બાદ તેઓએ પુણા પોલીસ મથકમાં ફરિયાદ નોંધાવી હતી. જેમાં પુણા પોલીસે ગુનો નોંધી તપાસ શરુ કરી હતી. આ ઘટનામાં તપાસ કરી રહેલી પુણા પોલીસે રેશ્મા રો હાઉસ બ્રીજ નીચેથી પુણાગામમાં રહેતા અને ડ્રાઈવિંગનું કામ કરતા આરોપી કૈલાશ યોગીને ઝડપી પાડ્યો હતો. પોલીસે તેઓની પાસેથી ચોરીમાં ગયેલી ૬ લાખની કિમતની કાર કબજે કરી કાયદેસરની કાર્યવાહી હાથ ધરી છે