સુરત : કામરેજના માતા પુત્ર સાથે ગ્રીનકાર્ડ અપાવવાના બહાને ઠગાઇ, છેતરપિંડી કરનાર દંપતી પોલીસ જાપ્તામાં

ગ્રીનકાર્ડ અપાવવાના બહાને સુરત શહેરના કામરેજના માતા પુત્ર સાથે છેતરપીંડી કરનાર દંપતીની પોલીસે ધરપકડ કરી છે. પોલીસે દંપતી પાસે થી 5 લાખ રૂપિયાની રોકડ જપ્ત કરી છે.

સુરત શહેરના કામરેજના નીલકંઠ રેસીડેન્સી ખાતે રેહતા ગીતાબેન રાશમીયા એ પોતાના અને પુત્ર મયંકના અમેરિકાના ગ્રીન કાર્ડ બનાવવામાં માટે પોતાના મિત્ર એવા પારુલ રાઠોડ અને તેના પતિ દીપક શાહને 55 લાખ રૂપિયામાં કામ આપ્યું હતું અને જે પૈકીના ૨૦ લાખ રૂપિયા રોકડ અને બેંક ટ્રાન્સફરથી ચૂકવ્યા હતા. જોકે કામ તો થયું નહિ પરંતુ આરોપીઓ એ ફોન પણ ઉચકવાના બંધ કરી દીધા હતા. જેથી ગીતા બહેને કામરેજ પોલીસ મથકમાં ફરિયાદ નોંધાવી હતી. જોકે પોલીસ ફરિયાદ બાદ કામરેજ પોલીસે આરોપી દીપક શાહની ધરપકડ કરી પૂછપરછ કરતા ૨૦ લાખ પેકીના ૧૫ લાખ રૂપિયા અમદાવાદના પોતાના મિત્ર મોહિત ચૌહાણ તેમજ મિત્રની પત્ની દીપિકા ચૌહાણના ખાતામાં ટ્રાન્સફર કર્યા હતા,

પોલીસ દ્વારા અમદાવાદ થી દંપતીને તપાસ માટે બોલાવતા આરોપી મોહિત ચૌહાણએ પોતે સરકારી ઓફિસર હોવાનું તેમજ પત્ની દીપિકા ચૌહાણ ઇન્કમ ટેક્સ ઓફિસર હોવાનો પોલીસને રોફ બતાવ્યો હતો જોકે પોલીસ દ્વારા કડકાઈ થી તપાસ કરવામાં આવતા બંને પતિ પત્ની પોલીસને ગેરમાર્ગે દોરી રહ્યા હતા પરંતુ આખરે પોલીસે બંને ની ધરપકડ કરી આરોપી દમ્પતિ પાસેથી ૫ લાખ રૂપિયાની રોકડ જપ્ત કરી હતી.