સુરત : સગીર વિદ્યાર્થીને ભગાડીને લઇ જવાની ઘટનામાં શિક્ષિકા વિરુદ્ધ અપહરણ અને પોક્સોનો ગુનો દર્જ

• સુરતમાં બન્યો વિચિત્ર કિસ્સો

• શિક્ષિકા 11 વર્ષના વિદ્યાર્થીને ભગાડી ગઈ હતી

• શિક્ષિકા વિરુદ્ધ પોલીસે કરી કાર્યવાહી

• શિક્ષિકા વિદ્યાર્થીને લઈને 2200 કિ.મી બસમાં ફરી 

• પોલીસે અપહરણ અને પોક્સોનો ગુનો કર્યો દર્જ

 સુરત શહેરમાં વિચિત્ર કિસ્સાએ સમગ્ર શિક્ષણ જગતમાં ખળભળાટ મચાવી દીધો હતો. 23 વર્ષીય શિક્ષિકા 11 વર્ષીય વિદ્યાર્થીને ભગાડીને લઈ ગઈ હતી.જે ઘટનામાં પોલીસે શિક્ષિકાની ધરપકડ કરીને તેણીની સામે અપહરણ અને પોક્સો હેઠળ ગુનો દર્જ કરીને તપાસ શરૂ કરી છે.

સુરતના પુણા વિસ્તારમાં 11 વર્ષના કિશોરના પિતાએ પોલીસ ફરિયાદ કરી હતી કે તેમના પાંચમા ધોરણમાં ભણતો દીકરો ગાયબ છે. તે 25 એપ્રિલના રોજ ઘરની બહાર રમવા ગયો હતો, ત્યાર બાદથી ઘરે આવ્યો નથી.તેનું અપહરણ કરવામાં આવ્યું હોવાની શંકા વ્યક્ત કરી હતી.

પોલીસે તપાસ કરતા શિક્ષિકા અને વિદ્યાર્થીને રાજસ્થાન બોર્ડ પાસેથી બસમાં પોલીસે શોધી કાઢ્યા હતા,અને શિક્ષિકાની ધરપકડ કરીને સગીર વિદ્યાર્થીને મુક્ત કરાવ્યો હતો.પોલીસે શિક્ષિકા માનસી નાઇની સઘન પૂછપરછ કરતા ચોંકાવનારી હકીકત બહાર આવી હતી.

જેમાં માનસી નાઈ વિદ્યાર્થીને લઈને સુરતથી વડોદરા, અમદાવાદ, જયપુર, દિલ્હી અને વૃંદાવન એમ 2200 કિ.મી. બસમાં ટ્રાવેલ કર્યું હતું,અને બાદમાં અમદાવાદ રવાના થતા સમયે રાજસ્થાન બોર્ડર પાસેથી ચાલુ બસમાં જ પોલીસે શિક્ષિકાને દબોચી લીધી હતી. આ દરમિયાન બે હોટલમાં રાત્રિરોકાણ પણ કર્યું હતું.અને આ રોકાણ દરમિયાન તેને વિદ્યાર્થીનું શારીરિક શોષણ કર્યું હોવાનું પણ પોલીસ તપાસ દરમિયાન બહાર આવ્યું હતું. અને પોલીસે બંનેના મેડિકલ ચેકઅપ કરાવ્યું હતું,આ ઘટનામાં પોલીસે માનસી નાઈ સામે અપહરણ અને પોક્સોની કલમ હેઠળ ગુનો દર્જ કરીને વધુ તપાસ શરૂ કરી છે.