સુરત : પ્રિન્ટિંગ પ્રેસની આડમાં ચાલતા જુગારધામ પર પોલીસના દરોડા, રૂ. 2.20 લાખનો મુદ્દામાલ જપ્ત

સુરત શહેરના પૂણા વિસ્તારમાં આવેલ પ્રિંટિંગ પ્રેસમાં ચાલતા જુગારધામ ઉપર પોલીસે દરોડા પાડ્યા હતા. જેમાં 8 જુગારીઓ સહિત રૂપિયા 2 લાખથી વધુનો મુદ્દામાલ જપ્ત કરવામાં આવ્યો હતો.

મળતી માહિતી અનુસાર, સુરતના પૂણા વિસ્તારમાં આવેલ પ્રિંટિંગ પ્રેસમાં છેલ્લા કેટલાક સમયથી પાનાં-પત્તાનો જુગાર રમાડવામાં આવી રહ્યો હતો. જેની બાતમી મળતા જ પૂણા પોલીસે પ્રિંટિંગ પ્રેસ ઉપર દરોડો પાડ્યો હતો. પોલીસે રેડ કરી સ્થળ પરથી 8 જુગારીઓ સહિત કુલ કિંમત રૂપિયા 2.20 લાખનો મુદ્દામાલ જપ્ત કર્યો હતો, ત્યારે હાલ તો પૂણા પોલીસે જુગારીઓની ધરપકડ કરી વધુ તપાસ હાથ ધરી છે.