સુરત : એક છોટી સી લવ સ્ટોરી સમાન કિસ્સામાં ચોંકાવનારો ખુલાસો,શિક્ષકાને પાંચ મહિનાનો ગર્ભ હોવાનો ઘટસ્ફોટ

• એક છોટી સી લવ સ્ટોરીમાં ચોંકાવનારો ખુલાસો

• 23 વર્ષીય શિક્ષિકા છે પાંચ મહિનાથી ગર્ભવતી

• શિક્ષિકાના 13 વર્ષીય વિદ્યાર્થી સાથે હતા શારીરિક સંબંધ

• આ બાળક વિદ્યાર્થીનું હોવાનું જણાવતી શિક્ષિકા

• પોલીસે બંનેના ડીએનએ ટેસ્ટ માટેની તજવીજ કરી શરૂ

સુરતમાં શિક્ષિકા દ્વારા 13 વર્ષીય વિદ્યાર્થીને ભગાડી જવાના કિસ્સામાં રોજ નવા ખુલાસા થઈ રહ્યા છે,જેમાં શિક્ષિકાને પાંચ મહિનાનો ગર્ભ હોવાનો ઘટસ્ફોટ થતા પોલીસ પણ ચોંકી ઉઠી છે.

 સુરતમાં 23 વર્ષીય શિક્ષિકા અને 13 વર્ષીય વિદ્યાર્થીના પ્રેમ પ્રકરણે સમગ્ર સમાજમાં ચકચાર જગાવી છે,પોલીસે બંનેને ઝડપી લીધા બાદ બંનેના મેડિકલ ટેસ્ટ કરવામાં આવ્યા હતા,જેમાં વિદ્યાર્થીનું શારીરિક શોષણ થયું હોવાનો ખુલાસો થયો હતો,જોકે શિક્ષિકાને પાંચ મહિનાનો ગર્ભ હોવાનો ઘટસ્ફોટ થતા પોલીસ પણ ચોંકી ગઈ હતી. શિક્ષિકાની પ્રાથમિક પૂછપરછમાં ગર્ભમાં રહેલું બાળક વિદ્યાર્થીનું જ હોવાનું જણાવી રહી છે, જેથી પોલીસ પણ મૂંઝવણમાં મુકાઈ ગઈ છે.

છેલ્લા એક વર્ષમાં બંનેએ ઘણીવાર ઘરે શરીર સંબંધ બાંધ્યા હોવાની બંનેએ કબૂલાત કરી છે. આ સાથે જ વિદ્યાર્થીના મેડિકલ રિપોર્ટમાં તે પિતા બનવા માટે સક્ષમ હોવાનું જાણવા મળ્યું છે. શિક્ષિકા ગર્ભવતી હોવાનું જાણ્યા બાદ જ સમાજ નહીં સ્વીકારે એવું માની બંનેએ ભાગી જવાનો પ્લાન બનાવ્યો હોવાની શક્યતા છે.

હાલ તો પોલીસ દ્વારા ડીએનએ કરાવી તપાસ માટેના ચક્રો ગતિમાન કર્યા છે. ઉલ્લેખનીય છે કે વિદ્યાર્થીની ઉંમર તેના પિતા દ્વારા 11 વર્ષ કહેવામાં આવી હતી,જોકે પોલીસની તપાસ દરમિયાન વિદ્યાર્થી 13 વર્ષનો હોવાનો ખુલાસો થયો છે.