સુરત : "આજે તારો ચહેરો જોઈને જ રહીશ" તેવું કહી BRTS બસના ડ્રાઇવરે કરી વિદ્યાર્થીનીની છેડતી...

સુરત શહેરના કતારગામ વિસ્તારમાં BRTS બસના ચાલકે એક વિદ્યાર્થીનીની છેડતી કરતાં મામલો પોલીસ મથકે પહોચ્યો હતો.

મળતી માહિતી અનુસાર, કતારગામ વિસ્તારમાં બુકાની પહેરેલ એક વિદ્યાર્થીનીની BRTS બસના ડ્રાઈવરે છેડતી કરતાં મામલો ગરમાયો હતો. BRTS બસના ડ્રાઈવરે "આજે તારો ચહેરો જોઈને જ રહીશ" તેવું કહી વિદ્યાર્થીનીની ચુંદડી ખેંચીને જાહેરમાં જ છેડતી કરી હતી. સમગ્ર મામલે વિદ્યાર્થિનીએ કતારગામ પોલીસ મથકે BRTS બસના ચાલક વિરુદ્ધ ફરિયાદ નોંધાવી હતી, ત્યારે યુવતીની ફરિયાદના આધારે પોલીસે ઓલપાડના રહેવાસી અને BRTS બસના ચાલક કરણ કાત્રોરોડિયાની ધરપકડ કરી વધુ તપાસ હાથ ધરી છે.