/connect-gujarat/media/post_banners/7a61b95f1e3fb97accef7005d3c11f6f5ff8998b0aac23dadab44f667013956f.jpg)
સુરતના રાંદેર વિસ્તારમાં છેલ્લા લાંબા સમયથી સોના જેવા દેખાતા સિક્કા મુગલ સમયના હોવાનું કહી લોકો સાથે છેતરપિંડી કરતી એક ગેંગ સક્રિય થઇ હોવાની વિગતો સામે આવતા પોલીસે આ ગેંગના ત્રણ સાગરીતોને ઝડપી પાડી કાયદેસરની કાર્યવાહી હાથ ધરી છે.
સોના જેવા દેખાતા સિક્કા મુગલ સમયના હોવાનું જણાવી ખોટા સિક્કાઓ પધરાવી લોકો પાસેથી રોકડ રકમ પડાવતી ટોળકી સુરતના રાંદેર વિસ્તારમાં સક્રિય થઈ હતી જો કે આ મામલે સુરત પોલીસને અવારનવાર ફરિયાદ મળતી હતી આ ફરિયાદ આધારે સુરત પોલીસે વોચ ગોઠવી હતી જો કે આ આ ગેંગમાં બે પુરુષ સહિત એક મહિલા હતી જેવો એકબીજાના સાથે મેળાપીપણાથી પૂર્વ આયોજિત ગુનાહિત કાવતરું રચીએ એકબીજા અલગ અલગ દુકાન ઉપરથી દુકાનદારોને લલચાવી પોતાની માયાજાળમાં ફસાવી પોતાની પાસે રહેલ સોના જેવા દેખાતા સિક્કાઓ મુગલ સમયના હોવાનું જણાવી એક સોનાનો સાચો સિક્કો બતાવી વિશ્વાસમાં લઈ પોતાની પાસે રહેલ અને અન્ય સોના ના નકલી સિક્કા પધરાવી તેમની પાસેથી રકમ પડાવી છેતરપિંડી કરતા હોવાની વિગતોના આધારે પોલીસે વોચ રાખીને મૂળ મહારાષ્ટ્રના અને હાલમાં સચિન ખાતે રહેતા દીપક શર્મા,મહારાષ્ટ્રના નાગપુરના રહેવાસી અને હાલમાં સચિન ખાતે રહેતા શંભુ બગેલ તથા મહારાષ્ટ્રના જલગાવ ખાતેના વતની અને હાલ સચિન વિસ્તારમાં રહેતી નીતા રાયની પોલીસે ધરપકડ કરી હતી.
આ લોકોની પૂછપરછ કરતા પોતે કરેલા ગુનાની કબુલાત કરી હતી.મુઘલ સમયના સોના જેવા દેખાતા નકલી 250 સિક્કા સાથે 9 લાખ રૂપિયા રોકડા કબ્જે કરી ત્રણેય વિરુદ્ધ કાયદેસરની કાર્યવાહી કરી વધુ તપાસ હાથ ધરી છે.