5G in India : અપડેટના અભાવે યુઝર્સ પરેશાન, સરકાર એપલ અને સેમસંગ પર લાવી શકે છે દબાણ.!

દેશમાં 1 ઓક્ટોબરથી હાઈ સ્પીડ મોબાઈલ ઈન્ટરનેટ 5G સેવા શરૂ કરવામાં આવી છે. વડાપ્રધાન નરેન્દ્ર મોદીએ નવી દિલ્હીના પ્રગતિ મેદાન ખાતેથી દેશને 5G સેવાની ભેટ આપી. હાલમાં Airtel અને Jioએ પણ પસંદગીના શહેરોમાં 5G કનેક્ટિવિટી શરૂ કરી છે. અત્યાર સુધી 5G માટે અપડેટ ન મળવાને કારણે Apple સહિત ઘણા સ્માર્ટફોન યુઝર્સને મુશ્કેલીનો સામનો કરવો પડી રહ્યો છે. હવે ભારત સરકાર એપલ, સેમસંગ અને અન્ય મોબાઈલ ફોન ઉત્પાદકો પર દેશમાં 5Gને સપોર્ટ કરવા માટે સોફ્ટવેર અપગ્રેડને પ્રાથમિકતા આપવા દબાણ કરી શકે છે.

તમને જણાવી દઈએ કે એરટેલે એપલના ઘણા મોડલને 5G માટે બિન-સુસંગત ગણાવ્યા છે. એરટેલે કહ્યું કે તેના ઘણા પ્રીમિયમ યુઝર્સ Apple iPhonesનો ઉપયોગ કરે છે અને કંપની 5G કનેક્ટિવિટી અપડેટના અભાવને લઈને ચિંતિત છે. 5G લોન્ચ કરતી વખતે, વડાપ્રધાન નરેન્દ્ર મોદીએ કહ્યું હતું કે ભારતમાં 5G નું રોલઆઉટ ભારતના ટેલિકોમ્યુનિકેશન ઇતિહાસમાં સામાન્ય ઘટના નથી. આ 21મી સદીની સૌથી મોટી શક્તિની શરૂઆત છે.

ભારતના ટેલિકોમ અને IT વિભાગના ટોચના અધિકારીઓ બુધવારે 5G અપનાવવા માટે મોટી સ્માર્ટફોન કંપનીઓ સાથે એક બેઠકની અધ્યક્ષતા કરશે. Apple, Samsung, Vivo અને Xiaomi તેમજ સ્થાનિક ટેલિકોમ ઓપરેટર્સ Jio, Airtel અને Viના અધિકારીઓ પણ આ બેઠકમાં હાજરી આપશે.

મીટિંગના કાર્યસૂચિમાં 5G કનેક્ટિવિટીને પ્રાધાન્ય આપવા અને હાઇ-સ્પીડ નેટવર્કને સપોર્ટ કરવા માટે સોફ્ટવેર અપગ્રેડ્સ રિલીઝ કરવા માટેની વાતચીતનો સમાવેશ થાય છે. માહિતી અનુસાર, હાલમાં Apple, Samsung, Vivo, Xiaomi અને સ્થાનિક ટેલિકોમ ઓપરેટર્સે આ મામલે કોઈ ટિપ્પણી કરી નથી.

અમે તમને જણાવી દઈએ કે ભારતમાં Appleના લેટેસ્ટ iPhone 14 સહિત ઘણા iPhones અને Samsungના ઘણા ફ્લેગશિપ ફોન 5Gને સપોર્ટ કરવા માટે રિલીઝ કરવામાં આવ્યા નથી અને આ સ્માર્ટફોન ભારતમાં 5G સાથે સુસંગત નથી. આ જ કારણ છે કે આ સ્માર્ટફોન યુઝર્સ 5G કનેક્ટિવિટીનો ઉપયોગ કરી શકતા નથી.