-
એમ.એસ.યુનિ.ના ફાર્મસી વિભાગની વિદ્યાર્થિનીનો આપઘાત
-
બાંગ્લાદેશી યુવતીએ ગળે ફાંસો ખાઇ કરી લીધી આત્મહત્યા
-
બાંગ્લાદેશી યુવતીએ આત્મહત્યા કરી લેતા પોલીસ દોડી આવી
-
મૃતદેહ પાસેથી પોલીસને એક સુસાઇડ નોટ પણ મળી આવી
-
બાંગ્લાદેશી યુવતીના આપઘાત મામલે વધુ તપાસ હાથ ધરાય
વડોદરા શહેરની એમ.એસ.યુનિવર્સિટીના ફાર્મસી વિભાગમાં અભ્યાસ કરતી 20 વર્ષીય બાંગ્લાદેશી યુવતીએ ગળે ફાંસો ખાઇ આત્મહત્યા કરી લેતા ચકચાર મચી જવા પામી છે. મળતી માહિતી અનુસાર, ગત 2024 સપ્ટેમ્બર મહિનામાં બાંગ્લાદેશથી વડોદરાની એમ.એસ.યુનિવર્સિટીના ફાર્મસી વિભાગમાં અભ્યાસ અર્થે આવેલી 20 વર્ષીય યુવતીએ ગળે ફાંસો ખાઇ આત્મહત્યા કરી લેતા ચકચાર મચી જવા પામી છે.
આ યુવતી વડોદરાની નવરંગ ટોકીઝની પાછળ નર્મદા એપાર્ટમેન્ટમાં પીજીમાં રહેતી હતી. હાલમાં તેની પરીક્ષા ચાલી રહી હતી. પરંતુ તે પરીક્ષા આપવા પહોચી નહોતી, અને તેણીએ દુપટ્ટા વડે ગળે ફાંસો ખાઈ આત્મહત્યા કરી લીધી હોવાનું સામે આવ્યું છે. બનાવની જાણ થતાં જ પોલીસ કાફલો તાત્કાલિક ઘટના સ્થળે દોડી આવ્યો હતો. ત્યારબાદ મૃત્દહના પોસ્ટમોર્ટમ માટેની કાર્યવાહી હાથ ધરી હતી.
અત્રે ઉલ્લેખનીય છે કે, પોલીસને સુસાઇડ નોટ મળી આવી છે. જોકે, સુસાઇડ નોટમાં કોઈપણ પ્રકારનો આક્ષેપ કે, દબાણનો ઉલ્લેખ નથી, ત્યારે હાલ તો બાંગ્લાદેશી યુવતીએ આત્મહત્યા કરતા બન્ને દેશોના એમ્બેસીના અધિકારીઓ સાથે વાતચીત ચાલી રહી છે, અને ત્યારબાદ અંતિમ ક્રિયા કેવી રીતે કરવી તેનો નિર્ણય લેવામાં આવશે.