![વડોદરા: કાર અને રિક્ષા વચ્ચે ગંભીર અકસ્માત, એક જ પરિવારના 5 લોકોના કમકમાટીભર્યા મોત](https://img-cdn.thepublive.com/fit-in/640x430/filters:format(webp)/connect-gujarat/media/post_banners/716dd5e9083a5363078a44a84c2c8fe7b7655573780be0326069747663a698fe.webp)
વડોદરા શહેરના અટલાદરમાં કાર અને રિક્ષા વચ્ચે ગંભીર અકસ્માતની ઘટનામાં એક જ પરિવારના 5 લોકોના મોત છે. મૃતકમાં પતિ-પત્ની સહિત ત્રણ બાળકોનો સમાવેશ થાય છે. આ તમામ મૃતદેહોને વડોદરા શહેરની એસએસજી હોસ્પિટલ ખાતે ખસેડવામાં આવ્યા હતા
રાજ્યમાં ગંભીર અકસ્માતનો સિલસિલો ચાલુ છે અને એક પછી એક અકસ્માતના બનાવ બની રહ્યા છે. રાજ્યમાં છેલ્લા ઘણા દિવસથી અકસ્માતની ઘટના બની રહી છે ત્યારે ગુરુવારે રાતે વધુ એક અકસ્માતની ઘટના વડોદરાના અટલાદર પાદરા રોડ પર બની છે. રિક્ષા અને કાર વચ્ચે થયેલા અકસ્માતમાં એક જ પરિવારને કાળ ભરખી ગયો છે. અકસ્માતના પગલે મોડીરાતે રોડ પર લોકોના ટોળા ઉમટ્યા હતા. અકસ્માતની જાણ પોલીસને થતા પોલીસની ટીમ ઘટના સ્થળે પહોંચી ગઈ હતી અને લોકટોળાને શાંત પાડી મૃતદેહ અને ઇજાગ્રસ્તોને સયાજી હોસ્પિટમાં ખસેડી આપી આગળની કાર્યવાહી હાથ ધરી હતી. અકસ્માતમાં ત્રણ લોકોએ ઘટના સ્થળે જ જીવ ગુમાવ્યા હતા જ્યારે બે બાળકોને ગંભીર ઈજા પહોંચતા તેને હોસ્પિટલ ખાતે ખસેડવામાં આવ્યા હતા જ્યા ટૂંકી સારવાર બાદ મોત નિપજ્યા હતા.