વડોદરાની છાણી પોલીસ મથક હદમાં આવેલ પદમલા ગામ નજીક નેશનલ હાઈવે ઉપરથી મહિલાના મૃતદેહને મીની નદીની કોતરમાં ફેંકી દીધો હોવાની ઘટનામાં પોલીસે હત્યારા આરોપીઓની ધરપકડ કરી કાયદેસરની કાર્યવાહી હાથ ધરી છે.

વાત કરીએ વડોદરાની તો નેશનલ હાઇવે નંબર 48 પર પદમલા ગામ નજીકથી પસાર થાય છે મીની નદી..જે નદીના કોતરમાં કાંઠા ઉપર એક મહિલાનો મૃતદેહ પડ્યો છે ની જાણ થતા જ દોડી ગયેલી છાણી પોલીસે મહિલાની ઓળખ કરવા પ્રયત્ન હાથ ધર્યા હતા.નેશનલ હાઈવે પર 24 કલાક ટ્રાફિકથી ધમધમતા વિસ્તારમાં મહિલાની હત્યાની ઘટનાને પગલે પોલીસ પણ વિચારતી થઈ ગઈ હતી।પોલીસે ગુનાનો ભેદ ઉકેલવા એફએસએલની પણ મદદ લીધી હતી તો બીજી તરફ પોસ્ટમોર્ટમ રિપોર્ટમાં મહિલાનું ગળું દબાવીને હત્યા કરાઈ હોવાનો પીએમ રિપોર્ટ આવતા જ પોલીસ વધુ એક્શનમાં આવી હતી પોલીસે હિન્દી ભાષી મહિલાની ઓળખ કરવા જીઆઇડીસી વિસ્તારમાં તપાસ આરંભી હતી જેમાં જેની હત્યા થઈ તે મહિલાનું નામ ચમેલી અને તે પોતે રણોલી બસ સ્ટેન્ડ નજીક ડાયાભાઈની ચાલીમાં રહેતી હોવાની પોલીસને માહિતી મળી હતી.

પોલીસે વધુ તપાસ હાથ ધરતા અજય યાદવ નામનો યુવક તેને સુરતમાં એકલવાયું જીવન જીવતી હોય પ્રેમિકા તરીકે વડોદરા લાવી રાખી હતી.ચમેલી મૂળ ઉત્તર પ્રદેશની છે અને નાગપુર ખાતે ફરજ બજાવતા તેના પતિ સાથે અણબનાવ બનતા તે બાળકો છોડીને સુરતમાં આવી હતી.પોલીસે અજય યાદવની પણ તપાસ કરતાં તે ચાર દિવસથી વડોદરામાં નહીં હોવાનું બહાર આવ્યું હતું અને હાલમાં થોડા સમય બાદ તેના લગ્ન હોય તે ઉત્તરપ્રદેશ પોતાના વતન ગયો હોવાની જાણ થઈ હતી તો બીજી તરફ પોલીસને ચમેલી ઉદયના પણ પ્રેમમાં પડી હોવાનુ બહાર આવ્યુ હતુ જોકે ઉદયરાજ પણ યુપી ગયો હોવાની જાણ થતા પોલીસ યુપી ખાતે પહોંચી હતી જ્યાંથી અજય યાદવ અને ઉદયની ધરપકડ કરી હતી.

છાણી પોલીસ બંને હત્યારા આરોપીઓની ધરપકડ કરી વડોદરા લાવ્યા હતા જ્યાં બંનેની પૂછપરછ દરમિયાન હત્યા પરથી પડદો ઉઠ્યો હતો જેમાં અજય યાદવ અને ઉદય શુક્લાને ચમેલી બ્લેકમેલ કરતી હોવાની જાણ થઈ હતી જેને લઈ અજય અને ઉદયે ઘર સંસારમાં ભવિષ્યમાં વિલન બને તેવી દહેશતને લઈ હત્યાનો પ્લાન ગયો હતો જેમાં અજય વેલેન્ટાઈનના દિવસે જ ચમેલીને નજીક મીની નદીના બ્રિજ પર લાવ્યો હતો અને ઉદયને સાથે રાખી ચમેલીનું ગળું દબાવી હત્યા કરી મૃતદેહને ઢસડીને નીચે કોતરમાં મૂકી આવ્યાની કબુલાત કરી હતી