ચીનમાં કોરોનાના કારણે સ્થિતિ વધુ ખરાબ થઈ ગઈ છે. હોસ્પિટલમાં પથારી નથી. સ્થિતિ એવી થઈ ગઈ છે કે, ગંભીર રીતે બીમાર લોકોને પણ સારવાર માટે ઘરે જ રહેવાનું કહેવામાં આવી રહ્યું છે. વેન્ટિલેટર અને મેડિકલ સાધનોની અછત છે. જેઓ મૃત્યુ પામી રહ્યા છે, તેઓને સ્મશાનગૃહમાં સ્થાન મળતું નથી. ચીનમાં સ્થિતિ સતત ખરાબ થઈ રહી છે.
ચીનમાં કોરોનાના સતત વધી રહેલા કેસોને કારણે તબીબી સંસાધનોનો અભાવ સૌથી મોટો પડકાર બનીને ઉભરી આવ્યો છે. હાલત એ છે કે, ચીનમાં માત્ર હોસ્પિટલના પલંગ, વેન્ટિલેટર અને દવાઓની અછત નથી, પરંતુ ડૉક્ટરો અને મેડિકલ સ્ટાફની પણ અછત છે. ચીનના મીડિયા રિપોર્ટ્સમાં આ ચોંકાવનારો ખુલાસો થયો છે. તજજ્ઞોએ ચેતવણી આપી હતી કે, આગામી 14 દિવસમાં બેઇજિંગમાં COVID-19ના ગંભીર કેસ વધી શકે છે. કોરોના સંક્રમણના નવા મોજાથી ઘેરાયેલ બેઈજિંગ તબીબી સંસાધનો પર વધારાનું દબાણ લાવી રહ્યું છે. તેમણે કહ્યું કે, તબીબી સંસાધનોની કોઈ અછત ન રહે તે સુનિશ્ચિત કરવું એ કોવિડ-19 કેસની સારવારમાં સફળતાનો દર વધારવા માટે એક મહત્વપૂર્ણ પરિબળ છે. તેમણે કહ્યું કે, આપણે હોસ્પિટલોમાં વાયરસનો સામનો કરવા માટે સંપૂર્ણ તૈયારી કરવી જોઈએ. સામાન્ય વસ્તી કરતા હોસ્પિટલોમાં ચેપનો દર ખૂબ ઝડપથી વધી રહ્યો છે. આ જ કારણ છે કે, ચીનમાં મોટાભાગના મેડિકલ સ્ટાફ કોવિડથી સંક્રમિત થયા છે. આવી સ્થિતિમાં, તેને જલ્દીથી હોસ્પિટલમાં પાછા ફરવાની કોઈ આશા નથી. ચીની મીડિયા અનુસાર ચીનની મોટાભાગની હોસ્પિટલોમાં એટલા બધા દર્દીઓ આવી રહ્યા છે કે ડોક્ટરની સંખ્યા ઘણી ઓછી છે.