કેલિફોર્નિયામાં એક કાર્યક્રમમાં ફાયરિંગ, 10ના મોત, અનેક ઘાયલ..!

અમેરિકાના કેલિફોર્નિયામાં એક કાર્યક્રમમાં અંધાધૂંધ ગોળીબાર થયાના અહેવાલ છે. કહેવામાં આવી રહ્યું છે કે ચીની નવા વર્ષને ધ્યાનમાં રાખીને આયોજિત એક કાર્યક્રમમાં ગોળીબારની આ ઘટનામાં ઓછામાં ઓછા 10 લોકોના મોત થયા છે. લગભગ 16 લોકોને ગોળી વાગી છે. મીડિયા રિપોર્ટ્સ અનુસાર આ ઘટના કેલિફોર્નિયાના મોન્ટેરી પાર્કમાં બની હતી. શનિવારે રાત્રે બનેલી ઘટના બાદ વિસ્તારમાં ભયનો માહોલ છે. પોલીસે ઘટના સ્થળે પહોંચીને હવાલો સંભાળ્યો હતો. ઘાયલોને નજીકની હોસ્પિટલમાં દાખલ કરવામાં આવ્યા હતા.