પાકિસ્તાન: લાહોરમાં અંડરવર્લ્ડ ડોનની જાહેરમાં હત્યા, લગ્ન સમારોહમાં હુમલાખોરે ગોળી મારી..

પાકિસ્તાનમાં દરરોજ ગોળીબાર અને હત્યાના સમાચાર આવે છે. પરંતુ આ વખતે બીજાને ડરમાં રાખનાર ડોનને જ ગોળી મારવામાં આવી છે. એક અહેવાલ મુજબ લાહોરનો આ અંડરવર્લ્ડ ડોન લગ્ન સમારોહમાં હાજરી આપવા ગયો હતો ત્યારે તેની ગોળી મારીને હત્યા કરવામાં આવી હતી.

વાસ્તવમાં, લાહોરના માલ પરિવહન નેટવર્કના માલિક અને ડોન અમીર બલાઝ ટીપુને ચુંગ વિસ્તારમાં લગ્ન સમારોહ દરમિયાન એક અજાણ્યા હુમલાખોરે ગોળી મારી દીધી હતી. આ ફાયરિંગનો શિકાર આરીફ અમીર ઉર્ફે ટીપુ ટ્રકવાળાનો પુત્ર અમીર બલાઝ ટીપુ બન્યો હતો. તમને જણાવી દઈએ કે 2010માં પણ અલ્લામા ઈકબાલ એરપોર્ટ પર આમીર પર જીવલેણ હુમલો થયો હતો.

પોલીસ અહેવાલો અનુસાર, હુમલાખોરે બાલાઝ અને અન્ય બે મહેમાનો પર ગોળીબાર કર્યો, જેમાં તેઓ ગંભીર રીતે ઘાયલ થયા. બાલાઝના સહયોગીઓએ જવાબી કાર્યવાહીમાં ગોળીબાર કર્યો, પરિણામે હુમલાખોરનું તાત્કાલિક મૃત્યુ થયું.જો કે, તેને બચાવવાના તમામ પ્રયાસો છતાં, બાલાઝનું પણ જિન્નાહ હોસ્પિટલમાં મૃત્યુ થયું હતું. બાલાઝના દાદા પણ વર્ષો જૂના ઝઘડામાં ફસાયેલા હતા જેણે પરિવારને હિંસા સાથે જોડ્યો હતો, સ્થાનિક અખબાર ડોન અહેવાલ આપે છે.