ન્યુયોર્કમાં વરસાદથી રસ્તાઓ બન્યા નદી, ટેક્સાસમાં 130થી વધુ લોકોના મોત

અમેરિકાના સૌથી મોટા શહેરો - ન્યુયોર્ક, ન્યુ જર્સી, ટેક્સાસ અને ન્યુ મેક્સિકોમાં અચાનક આવેલા પૂરના કારણે ભારે નુકસાન થયું છે. મેનહટન સબવે સ્ટેશનો નદીઓમાં ફેરવાઈ ગયા છે કારણ કે વરસાદી પાણી સબવે ટનલમાંથી વહે છે. ન્યુ જર્સીમાં કટોકટીની સ્થિતિ જાહેર કરવામાં આવી છે. ફક્ત ટેક્સાસમાં જ 130 થી વધુ લોકો મૃત્યુ પામ્યા છે, અને ઘણા લોકો ગુમ છે.

અમેરિકાના ટ્રાઈ-સ્ટેટ વિસ્તારમાં મુશળધાર વરસાદને કારણે ન્યુયોર્ક શહેરના ઘણા સબવે સ્ટેશનો પાણીમાં ડૂબી ગયા હતા, જેના કારણે ટ્રાફિક વ્યવસ્થા પર ખરાબ અસર પડી હતી. હવામાન વિભાગે અચાનક પૂરની ચેતવણી જાહેર કરી છે.

સબવે લાઈનને સૌથી વધુ અસર 1, 2, 3, E, F અને R થઈ છે. MTA એટલે કે મેટ્રોપોલિટન ટ્રાન્સપોર્ટેશન ઓથોરિટી વેબસાઈટ મુજબ મેનહટનમાં 96મી સ્ટ્રીટ નજીક પૂરને કારણે 1 લાઈન પર સેવાઓ હાલમાં સ્થગિત કરવામાં આવી છે.

મેનહટનમાં ઘણા સ્ટેશનો પર પાણી ઘૂસી જવાને કારણે લાઈન 2 અને 3 પર પણ સેવાઓ બંધ કરવામાં આવી હતી, પરંતુ હવે ટ્રેનોનું સંચાલન ફરી શરૂ થઈ ગયું છે. સોશિયલ મીડિયા પર વાયરલ થઈ રહેલા એક વીડિયોમાં 28મી સ્ટ્રીટ સ્ટેશન પર એક ગટરમાંથી પાણી ભરાઈ રહ્યું છે, જેના કારણે આખું પ્લેટફોર્મ ડૂબી ગયું છે. લોકોને બિનજરૂરી મુસાફરી ટાળવા અને MTA ની સત્તાવાર વેબસાઈટ અથવા એપ્લિકેશન પર નવીનતમ અપડેટ્સ તપાસતા રહેવા વિનંતી કરવામાં આવી છે.