'ફાની' વાવાઝોડુ પુરી તટે ત્રાટક્યુ, 175 કિમીની ઝડપે ફૂંકાઇ રહ્યો છે પવન, મોટી તબાહીના એંધાણ

ફાની ચક્રાવાત ઓડિશાના કાંઠા તરફથી આગળ વધી રહ્યું છે. લેટેસ્ટ અહેવાલો મુજબ ફાનીની ઝડપ વધીને 23 કિલોમીટર પ્રતિ કલાક થઈ ગઈ છે.

ચક્રવાતી વાવાઝોડુ ફાનીએ ઓડિશા દરિયાકાંઠાએ પહોંચી ગયુ છે. ત્યાં 175 કિલોમીટરની ઝડપથી પવન ફૂંકાઇ રહ્યો છે. વાવાઝોડુ પુરી તરફ એક કલાકમાં પહોંચી જશે. ફાનીના પૂર્વીય તટ તરફ વળવાના કારણે તટીય વિસ્તારોના નીચલા વિસ્તારોમાથી આઠ લાખ લોકોને સ્થળાંતરિત કરીને બીજે ખસેડવામાં આવ્યા છે.

ફાની ચક્રાવાત ઓડિશાના કાંઠા તરફથી આગળ વધી રહ્યું છે. લેટેસ્ટ અહેવાલો મુજબ ફાનીની ઝડપ વધીને 23 કિલોમીટર પ્રતિ કલાક થઈ ગઈ છે. શુક્રવારે બપોર સુધી ફોની ઓડિશાના કાંઠે ત્રાટકવાની આગાહી હતી પરંતુ હવે સવારે ફોની પુરીના ગોપાલપુરમાં પહોંચે તેવી સંભાવના છે.

ફાનીના કારણે ઓડિશા ઉપરાંત આંધ્રપ્રદેશ, તામિલનાડુ, પશ્ચિમ બંગાળ પણ પ્રભાવિત થાય તેવી સંભાવના છે. ફાનીનીના કારણે ઓડિશાના અંદાજે 10,000 ગામડા અને 52 શહેરો પ્રભાવિત થાય તેવી શક્યતા છે. રાજ્ય સરકારે ગુરૂવાર સાંજ સુધીમાં દરિયાકિનારાના જિલ્લાઓમાં નીચાણવાળા વિસ્તારોમાં વસવાટ કરતા અંદાજે 11 લાખ લોકોને સુરક્ષિત સ્થળો પર ખસેડી દેવામાં આવ્યા છે. સુત્રોના મતે 52 શહેરો અને 10,000 ગામડાઓને વાવાઝોડાને પગલે અસર હોવાની શક્યતાઓ વ્યક્ત કરવામાં આવી છે. ચક્રવાત ફાનીનીના કારણે ઓરિસ્સાના દરિયાકિનારાના જિલ્લાઓમાં 200 કિમી પ્રતિ કલાકની ઝડપે પવનો સાથે ભારેથી અતિભારે વરસાદ થવાની સંભાવના છે.રાજ્યમાં સરકારી આરોગ્ય કર્મચારીઓની રજાઓ 15મી મે સુધી રદ કરી દેવાઈ છે અને રજા પર ગયેલા કર્મચારીઓને ફરજ પર પરત ફરવાના આદેશ આપી દીધા છે.