/connect-gujarat/media/post_banners/wp-content/uploads/2016/10/india-iran-final-match-2016.jpg)
કબડ્ડી વિશ્વ કપની ફાઇનલમાં ભારતે સતત ત્રીજીવાર ઇરાનને હરાવ્યું હતું. અમદાવાદ ખાતે રમાયેલી કબડ્ડી વિશ્વ કપની ફાઇનલ મેચમાં ભારતે ઇરાનને 38-29થી હરાવ્યું હતું.
વિશ્વમાં સૌથી વધુ 64 રેડ અંક મેળવનાર અજય ઠાકુરે ફાઇનલ મેચમાં પણ ભારત તરફથી મહત્વનો ભાગ ભજવ્યો. તેમણે આ નિર્ણાયક મેચમાં 12 રેડ પોઇન્ટ મેળવ્યા હતા.
ડિફેન્સ મામલે ઇરાનની ટીમ સર્વશ્રેષ્ઠ ગણાય છે. પરંતુ ભારતના સુરજીતે ટેકલ અંક મેળવવામાં બધાને પાછળ રાખી દીધા હતા. તેમણે આ વિશ્વકપ દરમિયાન કુલ 23 ટેકલ અંક મેળવ્યા છે.
સુરજીતે ફાઇનલ મેચમાં માત્ર 3 જ ટેકલ અંક મેળવ્યા હતા. જોકે, આ ત્રણેય ટેકલ અંક નિર્ણાયક સમયે મળ્યા હતા. આ મહત્વપૂર્ણ મેચમાં ટીમનો ઉત્સાહ વધારવા માટે યુથ અફેર્સ અને સ્પોર્ટસ મંત્રી વિજય કુમાર ગોયલ પણ હાજર રહ્યા હતા.