આનંદીબેન પટેલે મુખ્યમંત્રી પદ પર થી રાજીનામુ ધરી દેતા તેઓના ઉત્તરાધિકારી તરીકે કોણે બેસાડવા તે અંગે ભારે ચર્ચા ઓ નો દોર શરુ થયો હતો.અને આ મુખ્યમંત્રી ની રેસ માં ભાજપ ના રાષ્ટ્રીય અધ્યક્ષ અમિત શાહ, ગુજરાત પ્રદેશ પ્રમુખ વિજય રૂપાણી, પુરષોતમ રૂપાલા, નીતિન પટેલ ના નામો ની ધારણા વ્યક્ત કરવામાં આવી રહી હતી.પરંતુ ભાજપ હાઇકમાન્ડ ની બેઠક અને ગુજરાત માં ધારાસભા ની બેઠક બાદ આખરે સિનિયોરીટી,જ્ઞાતિ પરિબળ અને અનુભવ વગેરે મુદ્દા ધ્યાને લેતા નીતિન પટેલ નું નામ ચર્ચાના કેન્દ્રમાં રહ્યું હતું.પરંતુ ભાજપ ની રણનીતિ મુજબ જ આખરે કોથળા માંથી બિલાડુ કાઢયું હતું અને વિજય રૂપાણી ની ગુજરાત ના નાથ તરીકે પસંદગી કરવામાં આવી છે.

ગાંધીનગર કમલમ ખાતે તારીખ 5મી ના રોજ સાંજે ભાજપ ના રાષ્ટ્રીય અધ્યક્ષ અમિત શાહ,કાર્યકારી મુખ્યમંત્રી આનંદીબેન પટેલ, કેન્દ્રીય નિર્ણાયકો નીતિન ગડકરી, સરોજ પાંડે,પુરષોતમ રૂપાલા સહિત રાજ્ય ના મંત્રીઓ અને ધારાસભ્યો ની ઉપસ્થિતિ માં બેઠક મળી હતી.જેમાં ચર્ચા વિચારણા બાદ વિજય રૂપાણી ના નામ ની સત્તાવાર જાહેરાત કરવામાં આવી હતી.

CM તરીકે વિજય રૂપાણી ના નામ ની જાહેરાત થતા સૌ કોઈ માં ભારે આશ્ચર્ય સર્જાયું છે,જયારે નીતિન પટેલ નું નામ મુખ્યમંત્રી પદ પરથી હટાવી ને ડેપ્યુટી CM પદ પર પસંદગી કરવામાં આવી છે.