જાતીય સતામણી અને બાળ ગુનાઓના મામલે ૧૮ રાજ્યોમાં બનશે ૧૦૨૩ ફાસ્ટ ટ્રેક કોર્ટ

New Update
જાતીય સતામણી અને બાળ ગુનાઓના મામલે ૧૮ રાજ્યોમાં બનશે ૧૦૨૩ ફાસ્ટ ટ્રેક કોર્ટ

જાતીય સતામણીના મામલે તાત્કાલિક સુનાવણી માટે મહિલા તેમજ બાળ વિકાસ મંત્રાલયે ૧૦૨૩ ફાસ્ટ ટ્રેક કોર્ટ ખોલવાના પ્રસ્તાવને મંજૂરી આપી દીધી છે. દેશના અલગ અલગ રાજ્યોમાં આ વિશેષ અદાલત આગામી એક વર્ષ સુધીમાં કામ શરૂ કરવા લાગશે. જેમાં મહિલાના યૌન ઉત્પીડન અને બાળ ગુના સાથે જોડાયેલાં પોક્સો એક્ટના મામલે સુનાવણી થશે. હાલ દેશમાં ૬૬૪ ફાસ્ટ ટ્રેક કોર્ટ કામ કરે છે.

મંત્રાલયના પ્રવક્તાએ ગુરૂવારે જણાવ્યું કે વિશેષ અદાલતના નિર્માણ પર ૭૦૦ કરોડ રૂપિયા ખર્ચ થશે. આ રકમ નિર્ભયા કોષમાંથી ઉપલબ્ધ કરાવવામાં આવશે. આ બજેટમાં ૪૭૪ કરોડ રૂપિયા કેન્દ્ર સરકાર અને બાકી ૨૨૬ કરોડ રાજ્ય સરકાર આપશે. દરેક ફાસ્ટ કોર્ટને સંચાલિત કરવામાં વર્ષે લગભગ ૭૫ લાખનો ખર્ચ આવશે. જેને સ્થાપિત કરવાની જવાબદારી ગૃહ મંત્રાલયની પાસે હશે. જ્યારે કાયદા મંત્રાલય દરેક ત્રણ માસે સુનાવણીની પ્રગતિ રિપોર્ટ તૈયાર કરશે.

૧૮ રાજ્યોમાં બનશે ખાસ કોર્ટ, પ્રસ્તાવ મુજબ ૧૮ રાજ્યોમાં પોક્સો એક્ટ અંતર્ગત ફાસ્ટ ટ્રેક કોર્ટ બનાવવામાં આવશે. જેમાંમહારાષ્ટ્ર, ત્રિપુરા, પશ્ચિમબંગાળ, મેઘાલય, ઝારખંડ, આંધ્રપ્રદેશ, બિહાર, મણિપુર, ગોવા, મધ્યપ્રદેશ, કર્ણાટક, મિઝોરમ, છત્તીસગઢ, રાજસ્થાન, ઉત્તરાખંડ, તમિલનાડુ,આસામ અને હરિયાણા સામેલ છે.

Read the Next Article

“વિશ્વ વસ્તી દિન” : ભરૂચના આમોદમાં આરોગ્ય કર્મચારીઓએ રેલી યોજી લોકોમાં જાગૃતિ લાવવાનો પ્રયાસ કર્યો...

ભરૂચ જિલ્લાના આમોદ ખાતે આરોગ્ય કર્મચારીઓ દ્વારા વિશ્વ વસ્તી દિવસ નિમિત્તે વિશાળ રેલી યોજી લોકોમાં જાગૃતિ લાવવાનો પ્રયાસ કરવામાં આવ્યો હતો.

New Update

આજરોજ ઠેર ઠેર વિશ્વ વસ્તી દિવસની ઉજવણી કરાય

ભરૂચ જિલ્લા પંચાયત આરોગ્ય શાખા દ્વારા આયોજન

આમોદ તાલુકા આરોગ્ય કચેરી દ્વારા કાર્યક્રમ યોજાયો

આરોગ્ય કર્મચારીઓ દ્વારા સૂત્રોચાર સાથે રેલી યોજાય

સૂત્રો પોકારી લોકોમાં જાગૃતિ લાવવાનો પ્રયાસ કર્યો

ભરૂચ જિલ્લાના આમોદ ખાતે આરોગ્ય કર્મચારીઓ દ્વારા વિશ્વ વસ્તી દિવસ નિમિત્તે વિશાળ રેલી યોજી લોકોમાં જાગૃતિ લાવવાનો પ્રયાસ કરવામાં આવ્યો હતો.

ભરૂચ જિલ્લા પંચાયત આરોગ્ય શાખા-ભરૂચના માર્ગદર્શન હેઠળ આમોદ તાલુકા આરોગ્ય કચેરી દ્વારા વિશ્વ વસ્તી દિવસની ઉજવણી કરવામાં આવી હતી. જેમાં આમોદ તાલુકા આરોગ્ય કચેરીથી મામલતદાર કચેરી સુધી આરોગ્ય કર્મચારીઓએ હાથમાં વિવિધ પ્લેકાર્ડ લખેલા સૂત્રોચાર સાથે વિશાળ રેલી યોજી હતી. જેમાં આમોદ તાલુકાના સમનીઆછોદ તેમજ માતર પ્રાથમિક આરોગ્ય કેન્દ્રના તમામ આરોગ્ય કર્મચારીઓ હાજર રહ્યા હતા. આ સાથે જ આમોદ તાલુકા આરોગ્ય અધિકારી ડો. કંચનકુમાર સિંગ પણ રેલીમાં જોડાયા હતા. રેલી દરમિયાન આરોગ્ય કર્મચારીઓએ હાથમાં વિવિધ સૂત્રો લખેલા પ્લેકાર્ડ બતાવી લોકોને જાગૃત કર્યા  હતા. તેમજ'નાનું કુટુંબસુખી કુટુંબ', 'માઁ બનવાની એ જ ઉંમરજ્યારે શરીર અને મન હોય તૈયારજેવા સૂત્રો પોકારી લોકોમાં જાગૃતિ લાવવાનો પ્રયાસ કર્યો હતો. વિશ્વ વસ્તી દિવસ નિમિત્તે આમોદ તાલુકા આરોગ્ય અધિકારી કંચનકુમાર સિંગ દ્વારા વસ્તી નિયંત્રણ કરવા લોકોને અપીલ કરવામાં આવી હતી.

Latest Stories