સુરતમાં મહિલાના પેટમાંથી નીકળી 4 કિલોની ગાંઠ

New Update
સુરતમાં મહિલાના પેટમાંથી નીકળી 4 કિલોની ગાંઠ

સુરતના ભટાર વિસ્તારની એક હોસ્પિટલમાં તબીબોએ બે કલાકનું ઓપરેશન હાથ ધરીને મહિલાના પેટમાંથી ચાર કિલો વજનની ગર્ભાશયની ગાંઠ કાઢી હતી.

છેલ્લા ત્રણેક મહિનાથી પેટ અને પેશાબના દુખાવાથી પીડાતી હેન્ડીકેપ્ડ મહિલાને તબીબી તપાસ માટે ભટારની હોસ્પિટલ ખાતે લાવવામાં આવી હતી.

14199769_1214928241905452_1948155584864609431_n (1)

જ્યાં તબીબોએ પરિક્ષણ કરતા 42 વર્ષિય મહિલાના પેટમાં ચાર કિલોની યુટ્રોસ ફાઇબ્રોડની ગાંઠ હોવાનું જાણવા મળ્યુ હતુ. તબીબોએ મહિલાને વહેલી તકે ગાંઠને પેટમાંથી દૂર કરવાની સલાહ આપી હતી.

છેવટે તબીબો દ્વારા 2 કલાકનું સફળ ઓપરેશન હાથ ધરીને 4 કિલોની ગાંઠ બહાર કાઢવામાં આવી હતી. આ અંગે ઓપરેશન કરનાર તબીબો ડૉ.મનિષ એન.શાહ અને ડૉ.જયેશ કોઠારીએ જણાવ્યું હતું કે આ પ્રકારનું જટીલ ઓપરેશન કરવામાં 2 કલાક જેટલો સમય લાગ્યો. જૂજ કેસમાં જોવા મળતી ગાંઠનું સફળ ઓપરેશન થતા હવે મહિલાને રાહત છે.

Read the Next Article

“વિશ્વ વસ્તી દિન” : ભરૂચના આમોદમાં આરોગ્ય કર્મચારીઓએ રેલી યોજી લોકોમાં જાગૃતિ લાવવાનો પ્રયાસ કર્યો...

ભરૂચ જિલ્લાના આમોદ ખાતે આરોગ્ય કર્મચારીઓ દ્વારા વિશ્વ વસ્તી દિવસ નિમિત્તે વિશાળ રેલી યોજી લોકોમાં જાગૃતિ લાવવાનો પ્રયાસ કરવામાં આવ્યો હતો.

New Update

આજરોજ ઠેર ઠેર વિશ્વ વસ્તી દિવસની ઉજવણી કરાય

ભરૂચ જિલ્લા પંચાયત આરોગ્ય શાખા દ્વારા આયોજન

આમોદ તાલુકા આરોગ્ય કચેરી દ્વારા કાર્યક્રમ યોજાયો

આરોગ્ય કર્મચારીઓ દ્વારા સૂત્રોચાર સાથે રેલી યોજાય

સૂત્રો પોકારી લોકોમાં જાગૃતિ લાવવાનો પ્રયાસ કર્યો

ભરૂચ જિલ્લાના આમોદ ખાતે આરોગ્ય કર્મચારીઓ દ્વારા વિશ્વ વસ્તી દિવસ નિમિત્તે વિશાળ રેલી યોજી લોકોમાં જાગૃતિ લાવવાનો પ્રયાસ કરવામાં આવ્યો હતો.

ભરૂચ જિલ્લા પંચાયત આરોગ્ય શાખા-ભરૂચના માર્ગદર્શન હેઠળ આમોદ તાલુકા આરોગ્ય કચેરી દ્વારા વિશ્વ વસ્તી દિવસની ઉજવણી કરવામાં આવી હતી. જેમાં આમોદ તાલુકા આરોગ્ય કચેરીથી મામલતદાર કચેરી સુધી આરોગ્ય કર્મચારીઓએ હાથમાં વિવિધ પ્લેકાર્ડ લખેલા સૂત્રોચાર સાથે વિશાળ રેલી યોજી હતી. જેમાં આમોદ તાલુકાના સમનીઆછોદ તેમજ માતર પ્રાથમિક આરોગ્ય કેન્દ્રના તમામ આરોગ્ય કર્મચારીઓ હાજર રહ્યા હતા. આ સાથે જ આમોદ તાલુકા આરોગ્ય અધિકારી ડો. કંચનકુમાર સિંગ પણ રેલીમાં જોડાયા હતા. રેલી દરમિયાન આરોગ્ય કર્મચારીઓએ હાથમાં વિવિધ સૂત્રો લખેલા પ્લેકાર્ડ બતાવી લોકોને જાગૃત કર્યા  હતા. તેમજ'નાનું કુટુંબસુખી કુટુંબ', 'માઁ બનવાની એ જ ઉંમરજ્યારે શરીર અને મન હોય તૈયારજેવા સૂત્રો પોકારી લોકોમાં જાગૃતિ લાવવાનો પ્રયાસ કર્યો હતો. વિશ્વ વસ્તી દિવસ નિમિત્તે આમોદ તાલુકા આરોગ્ય અધિકારી કંચનકુમાર સિંગ દ્વારા વસ્તી નિયંત્રણ કરવા લોકોને અપીલ કરવામાં આવી હતી.

Latest Stories