સુરેન્દ્રનગર : ૧૦ વર્ષની બાળકી સાથે આચરેલ દુષ્કર્મ મામલો, આરોપીની પોલીસે કરી ધરપકડ

સુરેન્દ્રનગર જિલ્લાના સાયલા ગામમાં ૧૦ વર્ષની બાળકી સાથે એક નરાધમે દુષ્કર્મ આચર્યું હોવાની ઘટના સામે આવી હતી. બાળકી સાથે દુષ્કર્મના બનાવ બાદ તેને તાત્કાલિક સારવાર અર્થે હોસ્પિટલ ખસેડવામાં આવી હતી. બાળકીના પરિવારજનોએ આ બનાવ અંગે સુરેન્દ્રનગર પોલીસ મથકમાં ફરિયાદ નોંધાવતા પોલીસ દ્વારા આરોપીને પકડવાની તજવીજ હાથ ધરવામાં આવી હતી.

સમગ્ર ઘટના અંગે સુરેન્દ્રનગર લોકલ ક્રાઈમ બ્રાન્ચ પોલીસ દ્વારા અલગ અલગ ટીમ બનાવી ગ્રામ્ય વિસ્તાર તેમજ આરોપીના મકાનમાં શોધખોળ હાથ ધરવામાં આવતા આરોપી ત્યાં ન મળી આવ્યો હતો. સદર ઘટનાનો આરોપી મળીવીડ વિસ્તારના એક કાંટાળા બાવળમાં છુપાઈને બેઠો હતો જેની જાણ પોલીસને થતા તેને ત્યાંથી ઝડપી લઈ તેના વિરુદ્ધ કાયદેસરની કાર્યવાહી હાથ ધરવામાં આવી હતી.