ગુજરાત CM વિજય રૂપાણી દ્વારા ખંડેરી સ્ટેડિયમ ખાતે મેચનો આરંભ

ગુજરાતના રાજકોટમાં આવેલ ખંઢેરી સ્ટેડિયમ ખાતે આજથી ઇન્ડિયા અને ઇંગ્લેન્ડ વચ્ચે રમાનાર 5 ટેસ્ટ મેચોની સિરીઝ ની પ્રથમ મેચ રમાવા જઈ રહી છે ત્યારે આ પ્રસંગે ગુજરાતના મુખ્યમંત્રી વિજય રૂપાણી ખંઢેરી સ્ટેડિયમ પર આવી પહોંચ્યા હતા જ્યાં તેમનું સ્વાગત ગુજરાતનું પરંપરાગત નૃત્ય એવા ગરબાથી કરવામાં આવ્યું હતું.

પછી રૂપાણી દ્વારા લીલી ઝંડી આપ્યા બાદ મેચની શરૂઆત શરૂ કરવામાં આવી હતી. આ સિવાય BCCI ના અધ્યક્ષ અનુરાગ ઠાકુર, કેબિનેટ મંત્રી ભુપેન્દ્રસિંહ ચુડાસમા અને અન્ય વ્યક્તિઓ પણ હાજર રહ્યા હતા અને મેચની મજા માણી હતી.

ત્યારબાદ સીએમ વિજય રૂપાણી રાજકોટ ના સોખડા ગામે પહોંચ્યા હતા અને અકસ્માતમાં મૃત્યુ પામેલ 15 વ્યક્તિઓના પરિવાર જનોની મુલાકાત લીધી હતી અને બનેલ ઘટના અંગે દુઃખ વ્યક્ત કર્યું હતું આ સાથે મૃતકોના પરિવારજનોને આર્થિક સહાયના રૂપમાં રૂપિયા 4 લાખના ચેક આપ્યા હતા.