દિલ્હી ટ્રાયલ દરમિયાન દીવાલ તોડી બહાર નીકળી ડ્રાઈવરલેસ મેટ્રો
BY Connect Gujarat20 Dec 2017 7:22 AM GMT
X
Connect Gujarat20 Dec 2017 7:22 AM GMT
દિલ્હી મેટ્રોની મજેન્ટા લાઇન પર મંગળવારે ટ્રાયલ દરમિયાન ડ્રાઇવર વગરની મેટ્રો ટ્રેન દીવાલ સાથે અથડાઇ ગઇ હતી. વડાપ્રધાન 25 ડિસેમ્બરે આ લાઇનનું ઉદ્દઘાટન કરવાના છે. આ ઘટના પછી દિલ્હી મેટ્રો રેલ કોર્પોરેશન (ડીએમઆરસી)એ એક નિવેદનમાં જણાવ્યું છે કે આ ઘટનામાં કોઇ જાનહાનિ થઇ નથી.
આ અકસ્માત માનવીય ભૂલ અને બેદરકારીને કારણે સર્જાયો છે. આ ઘટનાથી 25 ડિસેમ્બરે થનારા ઉદ્દઘાટન પર કોઇ અસર નહીં પડે. ડીએમઆરસીના અધિકારીએ વધુમાં જણાવ્યું હતું કે ડ્રાઇવર વગરની આ ટ્રેન બપોરે 3.40 વાગ્યે દીવાલ સાથે ટકરાઇ હતી. આ ટ્રેનની બ્રેક સિસ્ટમ ચેક કર્યા વગર તેની ટ્રાયલ કરવામાં આવી હતી. આ અકસ્માતને કારણે દીવાલનો થોડોક ભાગ તૂટી ગયો હતો.
Next Story