રાજકોટમાં આરોગ્ય વિભાગના બેકરી શોપ પર દરોડા થી વેપારી આલમમાં ફફડાટ

રાજકોટના આરોગ્ય વિભાગ દ્વારા કેક શોપ પર ચેકિંગ હાથ ધરવામાં આવ્યુ હતુ. શહેરની ચાર જેટલી કેક શોપમાં તપાસ કરવામાં આવતા ૪૦૦ કિલો જેટલા વાસી - અખાદ્ય પદાર્થો મળી આવ્યા હતા. અને તેનો ઘટના સ્થળ પર જ નાશ કરવામાં આવ્યો હતો.

રાજકોટ આરોગ્ય વિભાગની ટીમના ચેકિંગ દરમિયાન ' કભી...બી ' બેકરી માંથી કેક સ્પોન્જ ૨૨ કિલો સહિત કેકમાં વપરાશ થતી ચીજવસ્તુઓનો વાસી માલ મળી આવ્યો હતો. તેમજ કોટેચા ચોકમાં આવેલ ' બેક હાઉસ ' કેક શોપ માંથી અનહાઇજેનિક કંડીશનમાં રાખેલો કેક બનાવવાનો કાચો માલ તથા ૧૨૭ કિલો કેક સ્પોન્જ મળી આવ્યો હતો.

તો પ્રાઇડ બેકરીમાંથી પફ, બ્રેડ વગેરે વાસી ચીજવસ્તુઓ મળી આવી હતી. આ ઉપરાંત ઇન્ડીયા બેકરી માંથી ૪૫ કિલો વાસી ક્રીમ, ૬૦ કિલો સ્પોન્જ ચોકલેટ, ૪૦ કિલો વાસી કેક, ૩૫ કિલો ખુલ્લી બ્રેડ વગેરે ચીજવસ્તુઓ મળી આવી હતી.