વડોદરા : નવલખી દુષ્કર્મ કાંડના 2 આરોપી ઝડપાયા, અમદાવાદ ક્રાઇમ બ્રાન્ચના હાથે મોટી સફળતા

વડોદરાના નવલખી ગ્રાઉંડમાં બનેલી સામૂહિક દુષ્કર્મની ઘટનામાં પોલીસને સફળતા મળી છે. અમદાવાદ ક્રાઇમ બ્રાન્ચે 2 આરોપીઓને વડોદરા માંથી જ ઝડપી પાડ્યા છે. એક સપ્તાહ અગાઉ 14 વર્ષીય યુવતી અને યુવક નવલખી ગ્રાઉંડમાં વાતચીત કરી રહ્યા હતા. ત્યારે બે અજાણ્યા ઇસમોએ યુવતીને ઉપાડી જઈ દુષ્કૃત્ય આચર્યું હતું. આ ઘટનાએ સમગ્ર રાજયમાં હાહાકાર મચાવ્યો હતો. સમાજને લજાવતી ઘટનાને પગલે લોકોમાં રોષ ફેલાયો હતો. અનેક જગ્યાઓએ લોકોએ ભારે આક્રોશ સાથે પ્રદર્શનો યોજી સરકાર પાસે ન્યાયની અપીલ કરી હતી. અને આરોપીઓની જલ્દીમાં જલ્દી ધરપકડ કરી કડકમાં કડક સજા કરવા માંગ કરી હતી. ત્યાર બાદ પોલીસે બંને આરોપીઓના સ્કેચ તૈયાર કરી શોધખોળ આદરી હતી.

સમગ્ર ઘટનાની તપાસ

અમદાવાદ ક્રાઇમ બ્રાંચને સોંપવામાં આવી હતી. શનિવારે બંને આરોપી રાજસ્થાનમાં

હોવાની વાત વહેતી થઈ હતી. જો કે એક સપ્તાહ બાદ પોલીસને મોટી સફળતા હાથ લાગી હતી.

અને નાસ્તા ફરતા બંને નરાધામોને ક્રાઇમ બ્રાન્ચે દબોચી લીધા હતા. પ્રાથમિક માહિતી

અનુસાર બંને નરાધમો વડોદરાના તરસાલી વિસ્તારમાં રહે છે. અને ફુગ્ગા વેચવાનુ કામ

કરતા હોવાની વિગતો સામે આવી છે.

જો કે આ સમગ્ર મામલે અમદાવાદ કાઇમ બ્રાન્ચ આજે બપોરના સમયે પ્રેસ કોન્ફરન્સ કરશે. જે બાદ આરોપીઓ કોણ છે? ક્યાં ના છે? અને કઈ રીતે ઘટનાને અંજામ આપ્યો સહિતની વિગતો બહાર આવી શકે છે.હાલ તો બંને આરોપીને જેલના સળિયા પાછળ ધકેલી દેવામાં આવ્યા છે.