સુરતઃ હજીરાની ક્રિભકો ગુડ્સ ટ્રેનને ઉથલી પાડવાની ઘટના ટળી

ઈચ્છાપોર પોલીસે રેલ કલીપની ચોરી કરનાર ચોરોને ઝડપી પાડવાના ચક્રો ગતિમાન

સુરતની હજીરાના ક્રિભકો રેલવે લાઈનના 6 પોલ વચ્ચેના 139 કિલપની ચોરી થઈ હતી. રેલવે સ્ટાફે સમય સૂચકતા વાપરી આ ટ્રેક પરથી પસાર થતી ગુડ્સ ટ્રેનને અટકાવી સમારકામ કરી ગુડ્સ ટ્રેન ઉથલી પાડવાની ઘટના ટાળી હતી. આ ઘટના અંગે ઈચ્છાપોર પોલીસે ગુનો નોંધી રેલ કિલપ ચોરી કરનાર શખ્સોને ઝડપી પાડવાના ચક્રો ગતિમાન કર્યા છે.

બનાવની પ્રાપ્ત માહિતી અનુસાર સુરતના હજીરા વિસ્તારમાં ઘણી બધી કંપનીઓ આવેલી છે. આ કંપનીઓમાં માલનું આવનજાવન માટે ગુડ્સ ટ્રેનની જરૂર પડે છે. હજીરાના ક્રિભકો લાઈન પરથી 6 પોલ વચ્ચેથી 139 રેલ કિલપની તસ્કરો દ્વારા ચોરી કરવામાં આવી હતી. આ બનાવના પગલે ટ્રેક પર લગાવેલ રેલ કિલપની ચોરી થતા ગુડ્સ ટ્રેનને ઉથલી પાડવાનું ષડયંત્ર હતું પરંતુ રેલવે સ્ટાફ દ્વારા આ ઘટનાની જાણ થતા તેમણે તે જગ્યા પર પર સમારકામ કર્યા પછી ગુડ્સ ટ્રેનને રવાના કરી હતી. આમ ઈચ્છાપોર પોલીસે રેલ કલીપની ચોરી કરનાર શખ્સોને ઝડપી પાડવાના ચક્રો ગતિમાન કર્યા છે