ઈસરો દ્વારા સૌથી શક્તિશાળી સેટેલાઇટ લોન્ચની સાથે ભારતમાં હાઈસ્પીડ ઇન્ટરનેટ યુગનો થશે પ્રારંભ

ઈસરો દ્વારા તારીખ 5મી જુનની સાંજે શક્તિશાળી સેટેલાઇટ GSLV માર્ક-3 ડી-1ને સફળતા પૂર્વક છોડવામાં આવ્યું હતુ.

આંધ્રપ્રદેશના શ્રી હરિકોટા ખાતેથી ઈસરો દ્વારા શક્તિશાળી સેટેલાઇટ GSLV માર્ક-3 ડી-1ને છોડવામાં આવ્યું હતુ. અને તેની સાથેજ ભારતનું સૌથી ભારે 3136 કિલો વજનનું કોમ્યુનિકેશન સેટેલાઇટ GSAT- 19 પણ છે, આ સેટેલાઈટના લોન્ચિંગ બાદ ભારતમાં આવનાર સમયમાં હાઈ સ્પીડ ઇન્ટરનેટ યુગનો પ્રારંભ થશે તેવો આશાવાદ વ્યક્ત કરવામાં આવ્યો છે.

તાજેતરમાં જ ઈસરો દ્વારા અવકાશમાં માણસને મોકલવા માટેનું સ્પેસ પણ તૈયાર કરવામાં આવી રહ્યું છે, ભારતનું આ સ્વપ્ન પણ જલ્દી પૂરું થાય તેવા પ્રયત્નો ઈસરો દ્વારા કરવામાં આવી રહ્યા છે.