ઝઘડીયાનાં ધારાસભ્ય છોટુભાઈ વસાવાએ રાષ્ટ્રપતિની ચૂંટણીનો કર્યો બહિષ્કાર

દેશના 14માં રાષ્ટ્રપતિ માટે ચૂંટણી પ્રક્રિયા કરવામાં આવી છે, સંસદ સભ્યો અને ધારાસભ્યો દ્વારા મતદાન કરવામાં આવી રહ્યું છે. પરંતુ આદિવાસીઓને તેઓના હક ન મળતા ધારાસભ્ય છોટુભાઈ વસાવાએ ચૂંટણીનો બહિષ્કાર કરીને પોતાનો વિરોધ નોંધાવ્યો હતો.

[gallery size="full" type="slideshow" ids="28521,28522,28523,28524,28525,28526,28527,28528,28529,28530,28531,28532,28533,28534,28535"]

આ અંગે ઝઘડીયાનાં ધારાસભ્ય છોટુભાઈ વસાવાનાં સહાયક અંબાલાલભાઈ જાદવ સાથે ટેલિફોનિક વાતચીતમાં તેઓએ આ અંગેની પુષ્ટિ કરી હતી, અને જણાવ્યુ હતુ કે આદિવાસીઓના હકો માટે પેસા કાનુન અને બંધારણીય સૂચિ પાંચ અને છ લાગુ થવી જોઈએ તે રાજ્ય કે કેન્દ્ર સરકાર લાગુ ન કરી શકે તો રાષ્ટ્રપતિએ લાગુ કરવાના આદેશ આપી શકે છે.પરંતુ રાષ્ટ્રપતિ દ્વારા કોઈજ કાર્યવાહી કરવામાં ન આવતા ધારાસભ્ય છોટુભાઈ વસાવાએ પોતાની નારાજગી વ્યક્ત કરી છે.

વધુમાં આદિવાસીઓના હક માટે જો દેશના રાષ્ટ્રપતિ પણ કંઈજ ન કરી શકતા ધારાસભ્ય છોટુભાઈ વસાવાએ રાષ્ટ્રપતિની ચૂંટણીનો બહિષ્કાર કર્યો હતો.