અમદાવાદ ગ્રામ્યમાં કાણભા ગામની સીમમાં બે મહિલાઓની હત્યા કરવામાં આવી હતી. આ મામલે પોલીસે એક આરોપીની ધરપકડ કરી છે. આરોપીએ મહિલાઓને શારીરિક સંબંધ રાખવાનું કહેતા મહિલાઓ ઉશ્કેરાઈ ગઈ હતી અને તેથી તેમની હત્યા કરી હોવાનો ચોંકાવનારો ખુલાસો થયો છે

Advertisment

અમદાવાદ જિલ્લામાં કાણભા ગામની બે મહિલાઓની હત્યા કરવામાં આવી હતી. જે કેસમાં અમદાવાદ ક્રાઇમ બ્રાન્ચ ધ્વારા હત્યારા આરોપીની ધરપકડ કરવામાં આવી છે. મળતી માહિતી પ્રમાણે, 3જી ફેબ્રુઆરીએ બંને મહિલા લાકડા લેવા માટે ખારી નદીના પટમાંથી ગૌચર તરફ ગઈ હતી ત્યારે ગૌચરવાળી જમીન બાજુથી લાકડા કાપવાનો અવાજ આવતા આરોપી ધારિયું લઈને ગાળો બોલતો બોલતો ત્યાં આવ્યો હતો અને મહિલાઓને ધમકી આપી હતી. બંને મહિલાની નજીક આવી આરોપી કહેવા લાગ્યો હતો કે, ‘તમારે લાકડા કાપવા હોય તો મારી સાથે સંબંધ બાંધવો પડશે.’ ત્યારે ગીતાબેને આ વાત ગામલોકોને કહી દેવાની વાત કરી તો આરોપીએ ધારિયું લઈને ગીતાબેનની હત્યા કરી નાંખી હતી. મંગીબેન ત્યાં હાજર હોવાથી તેમની પણ હત્યા કરી નાંખી હતી. પોલીસે ધરપકડ કરી હતી તે આરોપીનું નામ રોહિત ચુનારા છે અને તેણે એકસાથે બે મહિલાને મોતને ઘાટ ઉતારી દીધી હતી.આરોપીએ હત્યા કર્યા બાદ કંઈ બન્યું જ ન હોય તે રીતે વર્તન કરી રહ્યો હોવાનું બહાર આવ્યું છે.