અમદાવાદ: સામાન્ય ઝઘડામાં પતિએ તાવીજના દોરાથી ત્રીજી પત્નીનું ગળું દબાવી હત્યા કરી, બે પત્ની બંગાળમાં હતી

અમદાવાદના શાહઆલમના બંગાળી વિસ્તારમાં સામાન્ય ઘર કંકાસના કારણે પતિએ પત્નીનું ગળુ દબાવી દઈ હત્યા કરી હતી.

અમદાવાદ શહેરના શાહઆલમ વિસ્તારમાં રહેતા કમરૂદ્દીન શેખ કે જેણે 3 વર્ષ પહેલા હલીમા બીબી ઉર્ફે મરિના બીબી જોડે ત્રીજા લગન કર્યા હતા. જેની સાથે અવાર નવાર સામાન્ય બોલાચાલી પણ થતી હતી. આરોપી કમરુદ્દીન છુટક મજુરી કરતો હતો અને હજુ 3 દિવસ પેહલા જ બંગાળથી પરત ફર્યો હતો અને ત્રણ દિવસથી ચાલતા ધર કંકાસના કારણે આખરે તેણે પોતાની ત્રીજી પત્નીની ગળુ દબાવીને હત્યા કરી દીઘી છે. આ હત્યાની જાણ તેની પુત્રને થઈ હતી અને તેણે ઈસનપુર પોલીસને જાણ કરી હતી. ઈસનપુર પોલીસે હાલ હત્યાનો ગુનો નોંધી આગળની તપાસ હાથ ધરી છે.આરોપીની અગાઉની 2 પત્ની બંગાળમાં રહે છે સવારે ઘરમાં પતિ પત્ની વચ્ચે તકરાર થતા આરોપી પતિએ પત્નીની હત્યા કરી ફરાર થઇ ગયો હતો ત્યારબાદ આ ઘટનાની પોલીસ ને જાણકારી મળતા પોલીસ ઘટના સ્થળે પહોંચી કાયદેસરની કાર્યવાહી હાથ ધરી છે.