CSK vs KKR: ચેન્નાઈએ કોલકાતાને 49 રનથી હરાવ્યું, ધોનીની ટીમ પોઈન્ટ ટેબલમાં ટોચ પર
IPL 2023ની 33મી મેચમાં ચેન્નાઈ સુપર કિંગ્સે કોલકાતા નાઈટ રાઈડર્સને 49 રનથી હરાવ્યું.
IPL 2023ની 33મી મેચમાં ચેન્નાઈ સુપર કિંગ્સે કોલકાતા નાઈટ રાઈડર્સને 49 રનથી હરાવ્યું. ટોસ હાર્યા બાદ પ્રથમ બેટિંગ કરતા ચેન્નાઈએ 20 ઓવરમાં 4 વિકેટ ગુમાવીને 235 રન બનાવ્યા હતા. અજિંક્ય રહાણેએ 29 બોલમાં 71 રનની અણનમ ઇનિંગ રમી હતી. આ સિવાય શિવમ દુબેએ 21 બોલમાં 50 રન અને ડેવોન કોનવેએ 40 બોલમાં 56 રન બનાવ્યા હતા. જવાબમાં કોલકાતાની ટીમ 20 ઓવરમાં 8 વિકેટ ગુમાવીને 186 રન બનાવી શકી હતી. જેસન રોયે 26 બોલમાં સૌથી વધુ 61 રન બનાવ્યા હતા. આ સાથે જ રિંકુ સિંહે 33 બોલમાં 53 રનની અણનમ ઇનિંગ રમી હતી.
આ જીત સાથે ચેન્નાઈ સુપર કિંગ્સની ટીમ પોઈન્ટ ટેબલમાં ટોપ પર પહોંચી ગઈ છે. 7 મેચમાં પાંચ જીત અને બે હાર સાથે તેના 10 પોઈન્ટ છે. આ સાથે જ કોલકાતાની ટીમના 7 મેચમાં બે જીત અને પાંચ હાર સાથે 4 પોઈન્ટ છે. ટીમ પોઈન્ટ ટેબલમાં આઠમા સ્થાને છે.