ભરૂચ: ધારાસભ્ય દુષ્યંત પટેલના ફેસબુક એકાઉન્ટમાંથી એકાએક થવા લાગ્યા મેસેજ,લોકો પણ મુકાયા અચંબામાં
દુષ્યંત પટેલે મેસેજ પોસ્ટ કરી તેમનું ફેક એકાઉન્ટ બન્યું હોવાની જાણ કરી હતી
ભરૂચના ધારાસભ્ય દુષ્યંત પટેલના નામે ફેક ફેસબુક એકાઉન્ટ બનાવી રૂપિયા પડાવવાનો કારસો રચાયો હોવાનો કિસ્સો પ્રકાશમાં આવ્યો છે. આ અંગે ધારાસભ્યએ પોલીસને અરજી આપી છે
શોશ્યલ નેટવર્કિંગ સાઇટ ફેસબુક પર બનાવટી એકાઉન્ટ બનાવી છેતરપિંડીના અનેક બનાવો સામે આવ્યા છે ત્યારે આવો જ કિસ્સો ભરૂચના ધારાસભ્ય દુષ્યંત પટેલ સાથે પણ બન્યો છે. ધારાસભ્ય દુષ્યંત પટેલના નામે ફેસબુક પર ફેક એકાઉન્ટ બનાવવામાં આવ્યું હતું અને આ એકાઉન્ટ પરથી લોકોને મેસેજ કરી નાંણાની માંગ કરવામાં આવી હતી.આ અંગેની જાણ થતા જ દુષ્યંત પટેલે મેસેજ પોસ્ટ કરી તેમનું ફેક એકાઉન્ટ બન્યું હોવાની જાણ કરી હતી અને જિલ્લા પોલીસને આ અંગે જાણ કરવામાં આવી છે