“સાયકલિંગ મંથ” : તમારો સાયકલ ચલાવતો ફોટો ફેસબુક-ટ્વીટર પર #cyclechallenge સાથે પોસ્ટ કરી મિત્રોને આપો સાઇકલિંગ ચેલેન્જ
વડાપ્રધાન નરેન્દ્ર
મોદી દ્વારા લોન્ચ કરાવામાં આવેલી ફીટ ઇન્ડિયા મુવમેન્ટ અંતર્ગત વર્ષ 2020ના
જાન્યુઆરી મહિનાને “સાયકલિંગ મંથ” તરીકે ઉજવવાનું
નક્કી કરાયું છે. ફીટ ઇન્ડિયાની આ મુવમેન્ટને સપોર્ટ કરવા માટે નેધરલેન્ડ
બાઈક્સ અને વલસાડના બાઇસિકલ મેયર ડૉ. ભૈરવી જોષી દ્વારા
સાયકલિંગ ચેલેન્જ લોન્ચ કરવામાં આવી છે.
આ પ્રસંગે ડૉ. ભૈરવી જોષીએ જણાવ્યુ હતું કે, ફીટ ઇન્ડિયા
મુવમેન્ટની થીમ અને નેધરલેન્ડ બાઇક્સની આ વર્ષની થીમ-સીટી ફીટ ફોર ચિલ્ડ્રન અંતર્ગત સાયકલ ચેલેન્જ લોન્ચ કરવાનું પણ વિચાર્યું
છે. આ ચેલેન્જમાં વલસાડ શહેરની સાથે સાથે સૂરત, નવસારી, વડોદરા, બેંગલોર
તેમજ નેધરલેન્ડ બાઇક્સ હેઠળ આવતા શહેરોમાં પણ લોન્ચ કરાશે. આ ચેલેન્જનો મુખ્ય
હેતુ સાયકલિંગ અવેરનેસને પ્રમોટ કરવાનો છે. ઉપરાંત સાઇકલિંગ ચેલેન્જ માટે તમારો સાઇકલ
ચલાવતો ફોટોગ્રાફ કે વિડીયો ફેસબુક અને ટ્વીટર ઉપર #cyclechallenge અથવા #cyclechalao સાથે પોસ્ટ કરો અને
તમારા મિત્રોને પણ સાયકલ ચલાવવાની ચેલેન્જ આપો. સૌ
શહેરીજનો અને સાઇકલિસ્ટને આ ચેલેન્જ સ્વીકારી ફીટ ઇન્ડિયા મુવમેન્ટમાં સહયોગ
આપવા અનુરોધ કરાયો છે.