અજય દેવગનની 'દ્રશ્યમ 2' એ પ્રથમ દિવસે જ કર્યું શાનદાર પ્રદર્શન, આટલા કરોડની કરી કમાણી.!

અજય દેવગન સ્ટારર 'દ્રશ્યમ 2' આજે સિનેમાઘરોમાં પહોંચી ગઈ છે. ઉલ્લેખનીય છે કે આ ફિલ્મ અભિનેતાની 2015માં આવેલી ફિલ્મ 'દ્રશ્યમ'ની સિક્વલ છે. ચાહકો આ ફિલ્મની આતુરતાથી રાહ જોઈ રહ્યા હતા. આજે જ્યારે આ ફિલ્મ મોટા પડદા પર આવી છે ત્યારે દર્શકોએ તેનું દિલ ખોલીને સ્વાગત કર્યું છે. ફિલ્મના પ્રથમ દિવસનું કલેક્શન કંઈક આવું જ સૂચવે છે. ટ્વિટર પર પણ આ ફિલ્મને ચાહકો તરફથી સારો પ્રતિસાદ મળી રહ્યો છે. હવે ફિલ્મની પહેલા દિવસની કમાણીનું રિપોર્ટ કાર્ડ પણ સામે આવ્યું છે, જે જબરદસ્ત છે.

'દ્રશ્યમ 2' એ શરૂઆતના દિવસે અપેક્ષા કરતાં વધુ કમાણી કરી છે. એડવાન્સ ટિકિટ બુકિંગને જોતા પહેલાથી જ અનુમાન લગાવવામાં આવી રહ્યું હતું કે ફિલ્મ બોક્સ ઓફિસ પર પહેલા દિવસે સારું પ્રદર્શન કરશે. હવે તેનું કલેક્શન પણ સામે આવ્યું છે. પ્રારંભિક મીડિયા અહેવાલો અનુસાર, 'દ્રશ્યમ 2' એ ભારતમાં પ્રથમ દિવસે 14 કરોડ રૂપિયાનું કલેક્શન કર્યું છે. રિપોર્ટ્સ અનુસાર આ ફિલ્મ લગભગ 50 કરોડ રૂપિયાના બજેટમાં બની છે. એ દૃષ્ટિએ ફિલ્મનું પ્રથમ દિવસનું કલેક્શન લાજવાબ છે.

પ્રારંભિક અહેવાલોમાં આવતા પ્રથમ દિવસના કલેક્શનને જોતા, ફિલ્મ હાલમાં 'ભૂલ ભુલૈયા 2'ના ઓપનિંગ ડે કલેક્શનથી થોડી પાછળ છે. રિપોર્ટ્સ અનુસાર, કાર્તિક આર્યનની 'ભૂલ ભુલૈયા 2' એ પહેલા દિવસે 14.11 કરોડ રૂપિયાનું કલેક્શન કર્યું હતું. જોકે, આ ફિલ્મનું બજેટ અજય દેવગનની 'દ્રશ્યમ 2' (લગભગ 80 કરોડ રૂપિયા) કરતા પણ વધુ છે. 'દ્રશ્યમ 2'ની આજની કમાણીને જોતા એમ કહી શકાય કે આવનારા બંને દિવસોમાં એટલે કે શનિવાર અને રવિવારના દિવસે કલેક્શન વધુ વધશે.