રણબીર કપૂરની ફિલ્મ 'ANIMAL'નો દબદબો યથાવત, બીજા દિવસે કરી આટલી કમાણી ..!

આ અઠવાડિયે હિન્દી સિનેમાની બે દમદાર ફિલ્મો બોક્સ ઓફિસ પર રિલીઝ થઈ છે, 'એનિમલ' અને 'સામ બહાદુર'. એક રીતે જોઈએ તો રણબીર કપૂર અને રશ્મિકા મંદન્નાની ફિલ્મ 'એનિમલ'નો જાદુ પહેલા દિવસથી જ દર્શકોમાં જોવા મળી રહ્યો છે. 'એનિમલ' એ પહેલા દિવસે જ જંગી કમાણી કરી હતી, જે બીજા દિવસે પણ ચાલુ રહી હતી. બીજી તરફ વિકી કૌશલની ફિલ્મ 'સામ બહાદુર'ને પણ દર્શકો અને સમીક્ષકો તરફથી સારો પ્રતિસાદ મળ્યો છે. 

રણબીર કપૂરની ફિલ્મ 'એનિમલ' દર્શકોને ખૂબ જ પસંદ આવી રહી છે. આ ફિલ્મને સેન્સર બોર્ડ તરફથી 'A' સર્ટિફિકેટ મળ્યું છે. ફિલ્મના ઘણા સીન સોશિયલ મીડિયા પર પણ વાયરલ થયા હતા. બાળકો કે કિશોરો આ ફિલ્મ જોવા થિયેટરોમાં જઈ શકતા નથી. આવી સ્થિતિમાં, આ ફિલ્મ ફક્ત પુખ્ત વયના લોકો માટે જ રિલીઝ કરવામાં આવી રહી છે, તેમ છતાં ફિલ્મે પ્રથમ દિવસે બોક્સ ઓફિસ પર રેકોર્ડ તોડ્યા છે. આ ફિલ્મે બે દિવસની કમાણીમાં 100 કરોડનો આંકડો પણ પાર કરી લીધો છે.

'એનિમલ'ની કમાણીની વાત કરીએ તો 1 ડિસેમ્બરે રિલીઝ થયેલી ફિલ્મે પહેલા દિવસે બોક્સ ઓફિસ પર 63.8 કરોડ રૂપિયાની જોરદાર કમાણી કરી હતી. બીજા દિવસે પણ ફિલ્મની કમાણી ધમાકેદાર રહી હતી. 'એનિમલ'એ બીજા દિવસે એટલે કે શનિવારે 66 કરોડ રૂપિયાની કમાણી કરી હતી, જે પહેલા દિવસ કરતાં વધુ હતી. કુલ કલેક્શનની વાત કરીએ તો ફિલ્મે અત્યાર સુધીમાં 129.80 કરોડ રૂપિયાનું કલેક્શન કર્યું છે.