જામનગર : ભાગવત સપ્તાહમાં યોજાયેલ ડાયરામાં રાજકીય આગેવાનો પહોચ્યા, કલાકારો પર નોટોનો ઘોર વરસાદ
ધારાસભ્ય હકુભા જાડેજા આયોજિત ભાગવત સપ્તાહ અંતર્ગત યોજાયેલ ડાયરામાં રાજકીય લોકોને જમાવડા સાથે નોટોનો વરસાદ થયો હતો
જામનગર ખાતે ધારાસભ્ય હકુભા જાડેજા આયોજિત ભાગવત સપ્તાહ અંતર્ગત યોજાયેલ ડાયરામાં રાજકીય લોકોને જમાવડા સાથે નોટોનો વરસાદ થયો હતો
જામનગર ખાતે ધારાસભ્ય ધર્મેન્દ્રસિંહ જાડેજા દ્વારા ભાગવત સપ્તાહનું આયોજન કરવામાં આવ્યો હતો. જેના ભાગરૂપે રાત્રે ડાયરાનો કાર્યક્રમ પણ આયોજિત કરવામાં આવ્યો હતો. ડાયરામાં ગીતના સુર સાથે રાજકીય જમાવડો પણ જોવા મળ્યો હતો જેમાં મુખ્યત્વે શિક્ષણ મંત્રી જીતુ વાઘાણી, વાસણ આહીર, જયેશરાદડિયા, કાંધલ જાડેજા, રમેશ ધડુક સહિત નેતાઓ એક મંચ પર જોવા મળ્યા હતા.
આ ઉપરાંત કોંગ્રેસ નેતા હાર્દિક પટેલ પણ આ કાર્યક્રમમાં ઉપસ્થિત રહ્યા હતા. હકુભા જાડેજા દ્વારા એક મંચ પર સર્વે ઉપસ્થિત મહેમાનોનું સ્વાગત સન્માન કરવામાં આવ્યું હતું તો બીજી તરફ કીર્તિદાન ગઢવી અને કિંજલ દવે દ્વારા ગીતના સુર રેલાતા ઉપસ્થિત લોકો સહિત નેતાઓએ દ્વારા પણ મન મૂકીને તેમના પર ઘોર રૂપિયાની નોટોનો વરસાદ કરાયો હતો. આ કાર્યક્રમ નિહાળવા શહેર પ્રમુખ ડો વિમલ કગથરા, મેયર બીનાબેન કોઠારી, સ્ટેન્ડિંગ કમિટીના ચેરમેન મનીષ કટારા, દિનેશ બાંભણીયા સહિત તમામ કોર્પોરેટર, પદાધિકારીઓ અને ભારે સંખ્યામાં લોકો ઉમટ્યા હતા અને આ ડાયરાની મજા માણી હતી.