ભારતીય મૂળની અવકાશયાત્રી સુનીતા વિલિયમ્સ ઈતિહાસ રચવા જઈ રહી છે. તેઓ ફરી એકવાર અવકાશમાં ઉડાન ભરશે. સુનિતા વિલિયમ્સ બોઇંગના સ્ટારલાઇનર અવકાશયાનમાં બેસીને અવકાશમાં જશે. તેમની સાથે Butch Wilmore પણ રહેશે.
અમેરિકન સ્પેસ એજન્સી નાસા અનુસાર, આ સ્પેસક્રાફ્ટ ભારતીય સમય અનુસાર સવારે 8:04 વાગ્યે લોન્ચ થશે. તેને કેનેડી સ્પેસ સેન્ટરથી લોન્ચ કરવામાં આવશે. સુનિતા વિલિયમ્સ અને Butch Wilmore લગભગ એક સપ્તાહ ઇન્ટરનેશનલ સ્પેસ સ્ટેશનમાં વિતાવશે.
પ્રથમ વખત અવકાશયાત્રીઓને બોઈંગ સ્ટારલાઈનર દ્વારા અવકાશમાં લઈ જવામાં આવી રહ્યા છે. અગાઉ, Boe-OFT, 2019 માં અને Boe-OFT2 2022 માં લોન્ચ કરવામાં આવી હતી. સ્ટારલાઇનર મિશનમાં એક અબજ ડોલરથી વધુનો ખર્ચ થવાનો અંદાજ છે.
જો આ મિશન સફળ થશે તો તેને અવકાશ ક્ષેત્રે એક મોટું પગલું માનવામાં આવશે. 2011માં નાસાએ તેના સ્પેસ શટલ કાફલાને નિવૃત્ત કર્યો. આ પછી નાસાએ કોમર્શિયલ ક્રૂ પ્રોગ્રામ શરૂ કર્યો, જેના હેઠળ મસ્કની કંપની સ્પેસએક્સ અને બોઇંગ સ્પેસક્રાફ્ટ બનાવી રહી છે.જો મિશન સફળ રહેશે તો બોઈંગના સ્ટારલાઈન એરક્રાફ્ટને પણ સ્પેસ મિશન માટે ઓથોરાઇઝ્ડ કરવામાં આવશે. અગાઉ 2020માં સ્પેસએક્સ વિમાને અવકાશયાત્રીઓને મોકલ્યા હતા.