આણંદ : ડો. જીવરાજ મહેતા ઇન્સ્ટિટ્યૂટ ઓફ ટેકનોલોજીને MSME મંત્રાલય દ્વારા ઇન્ક્યુબેશન સેન્ટર તરીકેની મંજૂરી મળી

આણંદ જિલ્લાના મોગર ખાતે આવેલ ડો.જીવરાજ મહેતા ઇન્સ્ટિટ્યૂટ ઓફ ટેકનોલોજીને ભારત સરકારના MSME મંત્રાલય દ્વારા “ઉદ્યોગસાહસિક અને મેનેજમેન્ટલ ડેવલપમેન્ટ” માટે સપોર્ટની યોજના હેઠળ હોસ્ટ ઇન્સ્ટિટ્યૂટ / બિઝનેસ ઇન્ક્યુબેટર સેન્ટરની મંજૂરી મળેલ છે. સ્ટાર્ટઅપ ઇન્ક્યુબેશન સેન્ટર-ડીજેએમઆઈટી (SICD) એ ગુજરાત રાજ્યની એકમાત્ર એન્જિનિયરિંગ કોલેજ છે કે જેને ભારત સરકારના MSME મંત્રાલય- દ્વારા ઇન્ક્યુબેશન સેન્ટર તરીકે મંજૂરી મળેલ છે.

આ યોજનાનો મુખ્ય ઉદ્દેશ સર્જનાત્મક આઈડિયા ધરાવતા ઉદ્યોગ સાહસિકોને પ્રોત્સહન, માર્ગદર્શન તેમજ નાણાકીય સહાય પુરો પાડવાનો છે. ગત યોજના અંતર્ગત, MSME દ્વારા પસંદ થયેલ સ્ટાર્ટ-અપ આઈડિયાને 15 લાખ સુધીની સહાય આપવામાં આવી શકે છે. કોઈ પણ ભારતીય નાગરિક પોતાના સ્ટાર્ટ-અપ આઈડિયાના સપોર્ટને લાગતી માહિતી મેળવવા માટે સંસ્થા નો સંપર્ક કરી શકે છે.

કેતન દસાડિયા કેન્દ્રના સેન્ટર હેડ, ડો.અમિત રાય(IIT-Roorkee) કેન્દ્રના મેન્ટોર અને પ્રો. અનિરુદ્ધ સિંઘ કેન્દ્રના કોઓર્ડીનેટર છે. આ પ્રસંગે DJMITના ચેરમેન નરેન્દ્રભાઈ, ડિરેક્ટર સંજયભાઈ, હિમાંશુભાઈ, કમલેશભાઈ અને પ્રિન્સિપાલ ડો. બી આર પારેખએ SICDને સમૃદ્ધિ મળે તેવી શ્રેષ્ઠ શુભેચ્છાઓ આપી હતી.