ભરૂચ LCB પોલીસે નેશનલ હાઇવે નં. 48 ઉપર આવેલ વડદલા પાટીયા નજીકથી દારૂ ભરેલ આઈસર ટ્રકને ઝડપી પાડ્યો હતો. જેમાં બુટલેગરોએ ટ્રકના તડીયા નીચે 1938 નંગ જેટલી વિદેશી દારૂની બોટલો સંતાડી પોલીસને ચકમો આપવાનો પ્રયાસ કર્યો હતો.
ભરૂચ જિલ્લામાં મોટી માત્રામાં વિદેશી દારૂની હેરાફેરી થતી હોવાની બાતમી પોલીસને અવારનવાર મળતી હોય છે, ત્યારે ભરૂચ LCB પોલીસ કાફલો નેશનલ હાઇવે નં. 48 ઉપર આવેલા વડદલા પાટીયા નજીક પેટ્રોલિંગમાં હતો તે દરમ્યાન એક આઈસર ટ્રકને રોકવામાં આવી હતી. જે ટ્રકને જોતાં પ્રથમ નજરે તે ખાલી જણાઈ આવ હતી. પરંતુ પોલીસને શંકા જતા ખાલી ટ્રકમાં રહેલું લોખંડનું પતરું ઉઠાવીને જોતા તેમાં મોટી માત્રામાં વિદેશી દારૂની બોટલોની ગોઠવણી કરી હોય તેવો ચોંકાવનારો ઘટસ્ફોટ થયો હતો. જેમાંથી ભરૂચ LCB પોલીસે 1938 નંગ વિદેશી દારૂની બોટલો જેની કિંમત 2,61,4000/-ની રૂપિયા છે. તો સાથે જ એક આઈસર ટેમ્પો કિંમત રૂપિયા ૩ લાખ, 1 નંગ મોબાઇલ ફોન અને લોખંડનું પતરું મળી કુલ 5,62,400/-ની કિંમતનો મુદ્દામાલ જપ્ત કરવામાં આવ્યો હતો. હાલ તો LCB પોલીસે મહારાષ્ટ્રના રહેવાસી ટ્રક ચાલક દિપક મેઘવાલ તથા ક્લીનર રાકેશ મેઘવાલની ધરપકડ કરી બન્ને વિરુદ્ધ કાયદેસરની કાર્યવાહી હાથ ધરી છે.