ભરૂચ: 10 વર્ષની બાળકી સાથે દુષ્કર્મ આચરનાર નરાધમને ફાંસીની સજાની માંગ, આદિવાસી સંવિધાન સેનાએ માંગ કરી

ભરૂચમાં બાળકી પર દુષ્કર્મ અચરનાર નરાધમને ફાંસીની સજાની માંગ સાથે ભારત આદિવાસી સંવિધાન સેનાના મહિલા મોરચા દ્વારા કલેકટરને આવેદનપત્ર પાઠવવામાં આવ્યું હતું

ભરૂચ જીલ્લા કલેકટર કચેરી ખાતે ભારત આદિવાસી સંવિધાન સેનાના મહિલા મોરચાના સરલાબેન વસાવા સહિતના આગેવાનો દ્વારા મહામહિમ રાષ્ટ્રપતિને સંબોધીને એક આવેદનપત્ર પાઠવ્યું હતું જેમાં જણાવ્યા અનુસાર દસ વર્ષની માસુમ દિકરી પર દુષ્કર્મ કરી સગીરાના ગુપ્ત ભાગે લોખંડનો સળીયો નાખી હેવાનિયત ભર્યું અતિ નિંદનીય કૃત્ય આચરનાર નરાધમને ફાંસીની સજા આપી બાળકીની યોગ્ય ઉચ્ચ સારવાર આપવા સાથે આર્થિક મદદ કરવામાં આવે તેવી માંગ કરવામાં આવી છે.ગુજરાત રાજ્યમાં અવારનવાર આવા કૃત્ય થઈ રહ્યા છે ત્યારે આવા નરાધમો સામે દાખલારૂપ કાર્યવાહી કરવામાં આવે એવી માગણી કરવામાં આવી છે.