અંકલેશ્વર : પાનોલી GIDCમાં પ્લાસ્ટિક ભરેલા ગોડાઉનમાં ફાટી નીકળી આગ, કોઈ જાનહાની નહીં..!

આગ એટલી વિકરાળ હતી કે, દૂર દૂર સુધી આગના ગોટે ગોટા નજરે પડ્યા હતા. બનાવની જાણ અંકલેશ્વર અને પાનોલી ફાયર ફાયટરોને આગની જાણ કરવામાં આવી હતી..

author-image
By Connect Gujarat in ભરૂચ સમાચાર
New Update
અંકલેશ્વર : પાનોલી GIDCમાં પ્લાસ્ટિક ભરેલા ગોડાઉનમાં ફાટી નીકળી આગ, કોઈ જાનહાની નહીં..!

ભરૂચ જિલ્લાના અંકલેશ્વરની પાનોલી GIDCમાં આવેલ એક ગોડાઉનમાં આગ લાગતા અફરાતફરીનો માહોલ સર્જાયો હતો. બનાવની જાણ થતાં જ ફાયર ફાયટરો તાત્કાલિક ઘટના સ્થળે દોડી આવી આગ ઉપર કાબુ મેળવ્યો હતો. મળતી માહિતી અનુસાર, અંકલેશ્વરની પાનોલી GIDCમાં આવેલા પ્લાસ્ટિક ભરેલા ગોડાઉનમાં કોઈ કારણોસર આગ ભભૂકી ઉઠી હતી. આગના કારણે સ્થળ પર અફરાતફરીનો માહોલ સર્જાયો હતો.

આગ એટલી વિકરાળ હતી કે, દૂર દૂર સુધી આગના ગોટે ગોટા નજરે પડ્યા હતા. બનાવની જાણ અંકલેશ્વર અને પાનોલી ફાયર ફાયટરોને કરવામાં આવતાં તેઓ ફાયર ટેન્ડરો સાથે તાત્કાલીક ઘટના સ્થળ પર દોડી આવ્યા હતા, જ્યાં આગ ઉપર પાણીનો મારો ચલાવી ભારે જહેમત બાદ સમગ્ર આગ પર કાબુ મેળવ્યો હતો. જોકે, આગના કારણે ગોડાઉન માલિકને મોટું નુકશાન થયું હોવાનું જાણવા મળ્યું છે. આગની ઘટનામાં કોઈ જાનહાની નહીં નોંધાતા લોકોએ રાહતનો શ્વાસ લીધો હતો.

#Ankleshwar #GIDC Ankleshwar #panoligidc #ConnectGujarata #Bharuch Fire News #GIDC Fire News #firenews #Ankleshwar Rotary Club #Ankleshwar GIDC Fire #gujarat samachar
Related Articles
Read the Next Article

અંકલેશ્વર ઉદ્યોગ મંડળના પ્રતિષ્ઠા ભર્યા ચૂંટણી જંગમાં વિકાસ પેનલે મારી બાજી,8 બેઠકો પર મેળવી જીત

જાહેર થયેલા પરિણામમાં વિકાસ પેનલે બાજી મારી હતી. કોર્પોરેટ,રિઝર્વ કેટેગરીની એક - એક બેઠક સાથે  જનરલ કેટેગરીની 6 બેઠક મળીને 8 બેઠકો પર વિકાસ પેનલે વિજય પ્રાપ્ત કર્યો

author-image
By Connect Gujarat Desk in ભરૂચ સમાચાર
New Update

  • AIA ચૂંટણીમાં વિકાસ પેનલનો વિજય

  • મધ્યરાત્રીએ પરિણામ થયું જાહેર 

  • 10માંથી 8 બેઠકો પર મેળવી જીત

  • સત્તારૂઢ સહયોગના ફાળે 2 બેઠકો આવી

  • ટૂંક સમયમાં પ્રમુખ અને હોદ્દેદારોની થશે વર્ણી

અંકલેશ્વર ઉદ્યોગ મંડળની મેનેજીંગ કમિટી માટેની ચૂંટણીની મતગણતરીમાં રસાકસી બાદ વિકાસ પેનલનો 8 બેઠકો પર ભવ્ય વિજય થયો હતો.જ્યારે સત્તારૂઢ સહયોગના પક્ષે બે બેઠકો આવી હતી.
અંકલેશ્વરના ઉદ્યોગ મંડળનો ચૂંટણીનો જંગ તારીખ 20મી જૂન શુક્રવારના રોજ યોજાયો હતો.આ ચૂંટણીમાં કોર્પોરેટ,રિઝર્વ અને જનરલ કેટેગરી માટે ચૂંટણીમાં મતદારોએ મતદાન કર્યું હતું.AIA ચૂંટણીમાં કુલ 1229 મતદારો નોંધાયા છે,જેમાંથી 1057 મતદારોએ મતાધિકારનો ઉપયોગ સાથે 86.63 ટકા મતદાન નોંધાયું હતું.
મતદાન બાદ ઉત્તેજનાસભર માહોલ વચ્ચે મતગણતરી શરૂ કરવામાં આવી હતી.જેમાં પ્રથમ રાઉન્ડથી જ વિકાસ પેનલનો ઘોડો ચૂંટણી રેસમાં આગળ રહ્યો હતો.અને મધ્યરાત્રીએ જાહેર થયેલા પરિણામમાં વિકાસ પેનલે બાજી મારી હતી. કોર્પોરેટ,રિઝર્વ કેટેગરીની એક - એક બેઠક સાથે  જનરલ કેટેગરીની 6 બેઠક મળીને 8 બેઠકો પર વિકાસ પેનલે વિજય પ્રાપ્ત કર્યો હતો.જ્યારે અસ્તિત્વના આ ચૂંટણી જંગમાં સત્તારૂઢ સહયોગ પેનલ બે બેઠક પર જીત મેળવી શક્યું હતું.
AIA ચૂંટણીમાં1229 પૈકી 1057 મતદારોએ મતદાન કર્યું હતું.જેમાંથી ગણતરીના અંતે 939 મત માન્ય રહ્યા હતા,જ્યારે 118 મત રદ થયા હતા.હવે આગામી સમયમાં મેનેજીંગ કમિટીની બોર્ડ મિટિંગ મળશે જેમાં પ્રમુખ સહિત હોદ્દેદારોની વર્ણી કરવામાં આવશે.

# વિજેતા ઉમેદવારોના નામ અને મળેલ મત : 

કોર્પોરેટ કેટેગરી:-
વિકાસ પેનલ:-
- રાવ પી. આર.- 513
# રિઝર્વ કેટેગરી :
# વિકાસ પેનલ :
- પટેલ યોગેશ આર - 523
# જનરલ કેટેગરી :
વિકાસ પેનલ:-
- પટેલ ભૂપેન્દ્ર એસ - 514
- પટેલ નિલેશ બી - 556
- ગઢીયા કમલેશ એન - 512
- જીંજાળા નરેન્દ્ર એ - 497
- પટેલ અતુલ બી - 503
- પટેલ વિમલકુમાર.કે - 484
સહયોગ પેનલ:-
- ચોવટીયા અશોક એન - 510
- પટેલ હરેશ જી - 496
#AIA election 2025 #AIA Election #Ankleshwar Industrial association Election #અંકલેશ્વર ઉદ્યોગ મંડળ ચૂંટણી #અંકલેશ્વર ઉદ્યોગ મંડળ #Ankleshwar Udyog Mandal