અંકલેશ્વર : સારંગપુરના ધનલક્ષ્મી કિરાણા સ્ટોરમાં ગેર’કાયદે ગેસ રીફિલિંગ કરતાં ઈસમની GIDC પોલીસે કરી અટકાયત…

ભરૂચ જિલ્લાના અંકલેશ્વર GIDC પોલીસે ગેસની બોટલમાંથી પરવાના વગર ગેસ રિફિલિંગ કરતા એક ઈસમને સારંગપુરમાંથી ઝડપી પાડી કાયદેસરની કાર્યવાહી હાથ ધરી છે.

ભરૂચ જિલ્લામાં ગેસની બોટલમાંથી અનઅધિકૃત રીતે પરવાના વગર ગેસ રીફીલિંગ કરતા ઇસમો વિરુદ્ધ કાયદેસરની કાર્યવાહી કરવા માટે પોલીસ મહાનિરીક્ષક સંદીપસિંહ (વડોદરા વિભાગ) તથા ભરૂચ જિલ્લા પોલીસ વડા મયુર ચાવડા તેમજ અંકલેશ્વર ડીવાયએસપી ડો. કુશલ ઓઝા તરફથી મળેલી સૂચનાના આધારે અંકલેશ્વર GIDC પોલીસ મથકના પોલીસ ઈન્સ્પેકટર બી.એન.સગરના માર્ગદર્શન હેઠળ અંકલેશ્વર GIDC પોલીસ સ્ટાફ પેટ્રોલીંગમાં હતો. તે દરમ્યાન સારંગપુરના પદ્માવતીનગરમાં આવેલ ધનલક્ષ્મી કિરાણા સ્ટોર નામની દુકાનમાં સરવનકુમાર આશુરામ ખટીક ગેરકાયદેસર ગેસ રિફિલિંગ કરતા હોવાની બાતમીના આધારે GIDC પોલીસે સ્થળ પર દરોડા પાડ્યા હતા, જ્યાંથી નાની-મોટી ગેસની 5 નંગ બોટલ તથા 1 નંગ ડિજિટલ વજન કાંટો તેમજ 1 નંગ રીફિલિંગ પાઇપ મળી કુલ રૂ. 8 હજારથી વધુના મુદ્દામાલ સાથે સરવનકુમાર ખટીકને ઝડપી પાડ્યો હતો. અંકલેશ્વર GIDC પોલીસે આરોપી વિરુદ્ધ વિવિધ કલમો હેઠળ ગુનો નોંધી કાયદેસરની કાર્યવાહી હાથ ધરી છે.