અંકલેશ્વર: સબજેલમાં ટાઇલ્સ નીચે સંતાડવામાં આવ્યો હતો મોબાઈલ, પોલીસે તપાસ શરૂ કરી

અંકલેશ્વર સબ જેલના બેરેક નંબર-2માં ટાઇલ્સ નીચે સંતાડેલ બિન વારસી હાલતમાં મોબાઈલ ફોન મળી આવ્યો હતો.

ગત તારીખ-26મી ફેબ્રુઆરીના રોજ અંકલેશ્વર સબ જેલના જેલર જિગ્નેશ વસાવા ફરજ હતા તે દરમિયાન બેરેક નંબર-2માં રાખવામા આવેલ કેદીઓની ગતિવિધિ શંકાસ્પદ જણાઈ આવતા તેઓએ ઝડતી સ્કવોર્ડ સાથે તપાસ કરતાં બેરેક નંબર-2ના અંદરના ભાગે વેસ્ટર્ન ટોઇલેટમાં પ્રવેશ કરતાં ડાબી બાજુની ટાઇલ્સની નીચેના ભાગે સંતાડેલ બિન વારસી હાલતમાં એન્ડ્રોઇડ ફોન મળી આવ્યો હતો જેલરે ફોન,સીમકાર્ડ અને બેટરી કબ્જે કરી આ ફોનથી ગુનાહીત પ્રવૃતિ કરવામાં આવી છે કે કેમ તે માટે અંકલેશ્વર શહેર એ ડિવિઝન પોલીસ મથકે ફરિયાદ નોંધાવી છે.