અંકલેશ્વર: બુલેટ ટ્રેનની કામગીરીની સાઈટ પરથી રૂ.1.90 લાખના માલમત્તાની ચોરી,પોલીસે શરૂ કરી તપાસ

અંકલેશ્વર-હાંસોટ રોડ ઉપર આવેલ કડકિયા કોલેજ નજીક આમલાખાડી પાસે એલ એન્ડ ટી કંપની દ્વારા બુલેટ ટ્રેનની કામગીરી હાથ ધરવામાં આવી છે..

New Update
અંકલેશ્વર: બુલેટ ટ્રેનની કામગીરીની સાઈટ પરથી રૂ.1.90 લાખના માલમત્તાની ચોરી,પોલીસે શરૂ કરી તપાસ

અંકલેશ્વરની કડકિયા કોલેજ નજીક આમલાખાડી પાસે બુલેટ ટ્રેનની કામગીરીની સાઈટ પરથી ઇન્વેર્ટર સીસ્ટમ સહિતનો સામાન મળી કુલ ૧.૯૦ લાખના મુદ્દામાલની ચોરી કરી અજાણ્યા ઈસમો ફરાર થઇ ગયા હતા અંકલેશ્વર-હાંસોટ રોડ ઉપર આવેલ કડકિયા કોલેજ નજીક આમલાખાડી પાસે એલ એન્ડ ટી કંપની દ્વારા બુલેટ ટ્રેનની કામગીરી હાથ ધરવામાં આવી છે..

જે સ્થળે વી.જે.પી.એન એન્જીનીયરીંગ કંપનીની સાઈટ આવેલ છે જે કંપની દ્વારા ફેબ્રીકેશનના પાઈપ લાઈનનું કામ કરવામાં આવી રહ્યું છે ત્યારે ગત તારીખ-૨૨મી જાન્યુઆરીથી ૨૩મી જાન્યુઆરી સુધીમાં કંપનીની સાઈટ સ્થિત સ્ટોર રૂમ કેબીનને તસ્કરોએ નિશાન બનાવી હતી અને તેમાં રહેલ થ્રી ફેઝ કેબલ,ગ્રાઇડીંગ મશીન,ઇન્વેર્ટર સીસ્ટમ સહિતનો સામાન મળી કુલ ૧.૯૦ લાખના મુદ્દામાલની ચોરી કરી ફરાર થઇ ગયા હતા ચોરી અંગે અંકલેશ્વર શહેર એ ડીવીઝન પોલીસે ગુનો નોંધી તપાસ હાથ ધરી છે.

Read the Next Article

અંકલેશ્વર: મહોરમનું પર્વ શાંતિપૂર્ણ માહોલમાં સંપન્ન થતા તાજીયા કમિટી દ્વારા તંત્રનો આભાર વ્યક્ત કરાયો

અંકલેશ્વર શહેર-તાલુકા તાજીયા કમિટી દ્વારા વહીવટી તંત્ર, પોલીસ પ્રશાસન, ગુજરાત વિદ્યુત બોર્ડ અને અંકલેશ્વર નગરપાલિકાનો આભાર વ્યક્ત કરી સન્માન કરવામાં આવ્યું

New Update
Tajiya Commitee
અંકલેશ્વર શહેર-તાલુકા તાજીયા કમિટી દ્વારા વહીવટી તંત્ર, પોલીસ પ્રશાસન, ગુજરાત વિદ્યુત બોર્ડ અને અંકલેશ્વર નગરપાલિકાનો આભાર વ્યક્ત કરી સન્માન કરવામાં આવ્યું હતું. અંકલેશ્વરમાં મોહરમનું પર્વ શાંતિપૂર્ણ અને કોમી એખલાસભર્યા વાતાવરણમાં સંપન્ન થયું છે જે બદલ અંકલેશ્વર શહેર તાલુકા તાજીયા કમિટી દ્વારા પ્રાંત અધિકારી, મામલતદાર  કરણસિંહ રાજપૂત, નાયબ પોલીસ અધિક્ષક,ડો.કુશલ ઓઝા,પોલીસ ઇન્સ્પેકટર  પી જી ચાવડા, પાલિકા પ્રમુખ લલીતાબેન રાજપુરોહિત, શિક્ષણ સમિતિ ચેરમેન ગણેશ અગ્રવાલ, ભાજપ શહેર પ્રમુખ ધર્મેન્દ્ર પુષ્કર્ણા સહિતના આગેવાનોનો આભાર વ્યક્ત કરી તેઓનું સન્માન કરવામાં આવ્યું હતું.

Tajiya Commitee Ankleshwar

આ પ્રસંગે કમિટીના પ્રમુખ બખ્તિયાર પટેલ, સેક્રેટરી વસીમ ફડવાલા, ઉપપ્રમુખ અમન પઠાણ, નૂર કુરેશી, લીગલ એડવાઈઝર હારુન મલેક સહિતના આગેવાનો અને સભ્યો ઉપસ્થિત રહ્યા હતા.