ભરૂચ: લોકસભાની ચૂંટણી પૂર્વે મતદારોએ મતદાન મથકોની લીધી મુલાકાત,બુથ સહિત મતદાન બાબતે મેળવી માહિતી

પ્રથમ વાર ચૂંટણી પૂર્વે મતદારો બુથ ની મુલાકાત લઈ માહિતી મેળવી શકે તે માતે ભરુચ ચૂંટણી પંચ દ્વારા તમારા મતદાન મથકને જાણો કાર્યકમનું આયોજન કરવામાં આવ્યું હતું

ચૂંટણી પંચ દ્વારા 7 મી મે ના રોજ યોજાનાર મતદાન પૂર્વ આજે રવિવારે સવારના 9 થી 12.30 મતદાન મથકો ખુલ્લા રાખવામાં આવ્યા હતા જ્યાં હાજર બી.એલ.ઓ.દ્વારા મતદારોને મતદાન માટેનો રૂમ - મતદાર ક્રમાંક ત્યાંની સુવિધાઓ - પાર્કિંગ પ્રાથમિકતા - વ્હિલચેર - સ્વયંસેવક - સહાયતા કેન્દ્ર મતદાન માટે ઓળખના વૈકલ્પિક પુરાવા સહિતની તમામ માહિતી મુલાકાત લેનાર મતદાતાઓને આપી રહ્યા હતા.મતદાન કેન્દ્ર મુલાકાત લેનાર જાગૃત મતદાતાઓ પ્રથમવાર શરૂ થયેલી આ સુવિધાથી સંતુષ્ઠ થવા સાથે ખુશ જણાતા હતા.જોકે ચૂંટણી સમયે મતદાન માટે અધૂરી માહિતી સાથે જતા અને ત્યાર બાદ ગભરાટ સાથે દોડધામ કરી મુકતા મતદારો માં હજુ આજની આ સુવિધા નો લાભ લેવામાં જોઈએ તેટલી સક્રિયતા જોવા મળી ન હતી.તો બીજી બાજુ રાજકીય પક્ષો પણ ઉદાસીન જોવા મળ્યા હતા.