ભરૂચ: ઝઘડીયા તાલુકામાં નર્મદા નદીમાં ગેરકાયદેસર રીતે બનાવાયેલ પુલિયા તંત્ર દ્વારા દૂર કરાયા

તાલુકાના ટોઠીદરા ગામે નર્મદા નદીના પટમાં રેતીનું વહન કરવા ગેરકાયદેસર રીતે બનાવાયેલ પુલ તંત્ર દ્વારા તોડી પાડવામાં આવ્યા હતા

author-image
By Connect Gujarat in ભરૂચ સમાચાર
New Update
ભરૂચ: ઝઘડીયા તાલુકામાં નર્મદા નદીમાં ગેરકાયદેસર રીતે બનાવાયેલ પુલિયા તંત્ર દ્વારા દૂર કરાયા

ભરૂચ જિલ્લાના ઝઘડિયા તાલુકાના ગોવાલી ટોઠીદરા તરસાલી અને પાણેથા જેવા ગામોમાં નર્મદા કિનારા પરથી રેતી ખનન કરવામાં આવે છે જે પૈકી કેટલા કિનારાઓ પર ગેરકાયદેસર રીતે નદીના ચાલુ પ્રવાહમાં ભૂંગળા નાખી ઓવરલોડ રેતી ભરી વહન કરવામાં આવે છે. ઝઘડિયા તાલુકાના ટોઠીદરાના ખેડૂતો તથા ગ્રામજનોની મુખ્યમંત્રી સુધીની પુલિયા તોડવાની રજૂઆત બાદ પણ ખાણ ખનીજ વિભાગ અને ઝઘડિયા મામલતદારનું પેટનું પાણી પણ હલતું ન હતું. આખરે આજરોજ ભરૂચ જિલ્લા ખાણ ખનીજ વિભાગ તથા ઝઘડીયા મામલતદાર દ્વારા સંયુક્ત ઓપરેશન હાથ ધરી ટોઠીદરા ગામે ગેરકાયદેસર રીતે બનાવેલા પુલિયા તોડવાની કામગીરી હાથ ધરવામાં આવી છે.અત્રે ઉલ્લેખનીય છે ભરૂચ અને વડોદરા જીલ્લામાં રેતી માફિયાઓ સામે સાંસદ મનસુખ વસાવાએ લાલ આંખ કરી છે અને આ બાબતે ઘણા વિવાદ પણ થયા હતા ત્યાર બાદ તંત્ર મોડે મોડે જાગ્યું છે અને કાર્યવાહી શરૂ કરી છે.

#zaghdiya #Narmada River #culverts removed #Mansukh Vasava #Illegally constructed #BeyondJustNews #BJP #Connect Gujarat #MP #Congress #Collector Bharuch #Bharuch
Related Articles
Read the Next Article

ભરૂચ: વાલિયા SBI બ્રાન્ચના પૂર્વ મેનેજરની પોલીસે કરી ધરપકડ, રૂ.21.57 લાખની ઉચાપત અંગે નોંધાય હતી ફરિયાદ

સ્ટેટ બેન્ક ઓફ ઇન્ડિયામાં રૂ. 21.57 લાખની ઉચાપત કરનાર પૂર્વ મેનેજરને ગણતરીના કલાકોમાં ભરૂચ પોલીસે ઝડપી પાડી કાયદેસરની કાર્યવાહી હાથ ધરી..

author-image
By Connect Gujarat Desk in ભરૂચ સમાચાર
New Update
SBI Branch Manager
ભરૂચના વાલીયામાં આવેલ સ્ટેટ બેન્ક ઓફ ઇન્ડિયામાં રૂ. 21.57 લાખની ઉચાપત કરનાર પૂર્વ મેનેજરને ગણતરીના કલાકોમાં પોલીસે ઝડપી પાડી કાયદેસરની કાર્યવાહી હાથ ધરી છે.
ભરૂચના વાલિયામાં આવેલી સ્ટેટ બેન્ક ઓફ ઇન્ડિયાના પૂર્વ મેનેજર દ્વારા જ ખાતેદારોના રૂપિયા બારોબાર ટ્રાન્સફર કરી કૌભાંડ આચરાયું હોવાનું બહાર આવ્યું છે.આ અંગે હાલના બ્રાન્ચ મેનેજર શૈલેન્દ્ર કરવાએ વાલિયા પોલીસ મથકમાં પૂર્વ બ્રાન્ચ મેનેજર અજય પવાર સામે પોલીસ ફરિયાદ નોંધાવી છે.
પૂર્વ મેનેજરે ખાતેદારોની સંમતિ વગર ખોટી સહી, ઇમેલ અને ખોટા વાઉચર બનાવી ખાતેદારોના ખાતામાંથી રૂપિયા 93.58 લાખ ટ્રાન્સફર કરી લીધા હતા ત્યારબાદ 72 લાખ સમયાંતરે પરત ખાતાઓમાં જમા કરાવવામાં આવ્યા હતા જ્યારે રૂપિયા 21.57 લાખની ઉચાપત કરવામાં આવી હતી.વાલિયા પોલીસે પૂર્વ બ્રાન્ચ મેનેજર અજય પવાર વિરુદ્ધ ગુનો નોંધી ગણતરીના કલાકોમાં તેની ધરપકડ કરી વધુ તપાસ હાથ ધરી છે.
#State Bank of India #SBI Bank #Bharuch News #Bharuch Police #SBI branch Manager #SBI branch